Համաձայն ՀՀ Սյունիքի մարզպետի 21 հունվարի 2019թ <<Հայաստանի Հանրապետության Սյունիքի մարզի բնակչության պաշտպանության և քաղաքացիական պաշտպանության համակարգերի նախապատրաստման 2019 թվականի հիմնական միջոցառումների պլանը հաստատելու մասին>> N3-Ա որոշման 13.5.8 կետի ս/թ հոկտեմբերի 15-ին Մեղրիի համայնքապետարանում անց է կացվելու հատուկ տակտիկական ուսումնավարժություն /այսուհետ ՀՏՈՒ/ << ՈՒժեղ երկրաշարժի ժամանակ Մեղրի համայնքի և ԱԻ հանձնաժողովի ազդարարում և հավաք>> թեմայով: Ուսումնավարժության կազմակերպման և արդյունավետ անցկացման նպատակով.

                                                                               ՈՐՈՇՈՒՄ ԵՄ

1.Ստեղծել ուսումնավարժության ղեկավարման շտաբ հետևյալ կազմով.

1) ղեկավարման շտաբի պետ` Վանիկ Սարգսյան.

2) շտաբի պետի տեղակալ, պլանավորման գծով` Արտավազդ Արզումանյան.

3) գործնական միջոցառումների խմբի ղեկավար` Արթուր Հայրապետյան:

2.ՈՒսումնավարժության ղեկավարման շտաբի պետին`

1)Ապահովել անցկացման փաստաթղթերի ժամանակին մշակումը և մինչև հոկտեմբերի 10-ը ներկայացնել իմ հաստատմանը.

2)Կազմակերպել ուսումնավարժության մասնակիցների նախապատրաստումը համաձայն հաստատված օրացուցային պլանի.

3) Գործնական միջոցառման խմբի ղեկավարին` - ապահովել անվտանգության կանոնների պահպանումը մասնակիցների կողմից, կանոնների խախտման դեպքում անհապաղ դադարեցնել իրականացվող գործողությունները և միջոցներ ձեռնարկել դրանց վերացման համար.

4) ՈՒսումնավարժության անցկացմանը պատրաստ լինելու մասին զեկուցել ս/թ հոկտեմբերի 14-ին.

5)ՀՏՈՒ-ի անցկացումից 5-օրյա ժամկետում ներկայացնել արդյունքների ամփոփման արձանագրությունը:

3.Ուսումնավարժությունում ընդգրկել`

1)Մեղրիի համայնքապետարանի ղեկավար կազմին և ԱԻ հանձնաժողովին.

2)Մեղրի համայնքապետարանի կազմավորումների հրամանատարներին:

4.ՈՒսումնավարժության մասնակիցներին`

1) Համալրել անձնակազմը համապատասխան գույքով և հանդերձանքով.

2) Պատրաստ լինել զեկուցելու ուսումնավարժության ընթացքում կատարած միջոցառումների մասին.

3) Խստագույնս պահպանել անվտանգության կանոնները:

5.Սույն որոշումը հայտարարել ըստ առնչության:

6. Սույն որոշման կատարման հսկողությունը վերապահել Մեղրի համայնքի ղեկավար Մ. Զաքարյանին: