Հայաստանի Հանրապետության Սյունիք մարզի Մեղրի համայնքի ղեկավարի որոշման կարգավորման առարկան.
Քաղաքացի Ռաֆիկ Համլետի Դավթյանը, հանդիսանալով գույքահարկ վճարող սուբյեկտ, «Գույքահարկի մասին» օրենքով սահմանված կարգով չի կատարել գույքահարկ վճարելու պարտականությունը, ինչի կապակցությամբ 2019 թվականի ապրիլի 16-ին «Վարչարարության հիմունքների և վարչական վարույթի մասին» օրենքի 30-րդ հոդվածի 1-ին մասի «բ» ենթակետի հիմքով Հայաստանի Հանրապետության Սյունիքի մարզի Մեղրիի համայնքապետարանի աշխատակազմում հարուցվել է վարչական վարույթ` գույքահարկի գումարի գանձման հարցի քննության նպատակով: «Վարչարարության հիմունքների և վարչական վարույթի մասին» օրենքով սահմանված կարգով հարուցված և իրականացված վարչական վարույթի ընթացքում գործի փաստական հանգամանքների բազմակողմանի, լրիվ և օբյեկտիվ քննության արդյունքում, բացահայտելով գործի բոլոր հանգամանքները, վարչական մարմինը հաստատված է համարում հետևյալը.
  Վարչական ակտը ընդունելու համար հիմք հանդիսացող փաստերը.
Համաձայն Մեղրիի համայնքապետարանի աշխատակազմի ֆինանսատնտեսական և եկամուտների հավաքագրման բաժնի կողմից տրամադրված <<Գույքահարկի մասին >> օրենքի 4-րդ հոդվածով սահմանված գույքահարկով հարկվող օբյեկտ համարվող Կապանի ՀՔԲ-ի կողմից տրամադրված տվյալների ՝ քննարկվող HONDA STEP WAGON 2,4 մակնիշի, 35MX881 պետհամարանիշի փոխադրամիջոցը հանդիսանում է քաղաքացի Ռաֆիկ Դավթյանի սեփականությունը, ինչը «Գույքահարկի մասին» օրենքով հանդիսանում է հարկվող օբյեկտ: Գույքի համար վճարման ենթակա գույքահարկը, գույքահարկը օրենքով սահմանված ժամկետում չվճարելու արդյունքում առաջացած տույժը կազմում են՝ 73510 ( յոթանասուներեք հազար հինգ հարյուր տաս) ՀՀ դրամ, ինչը 2017-2019 թթ. ընկած ժամանակահատվածում չի վճարվել: 2019 թվականի ապրիլի 16-ին «Վարչարարության հիմունքների և վարչական վարույթի մասին» օրենքի 30-րդ հոդվածի 1-ին մասի «բ» կետի հիմքով հարուցված վարչական վարույթի շրջանակներում 2019 թվականի մայիսի 14-ին հրավիրվել են վարչական վարույթի լսումներ, որին մասնակցելու նպատակով չի ներկայացել Ռաֆիկ Դավթյանը, չնայած պատշաճ ծանուցվել էր /հիմք՝ 23.04.2019թ. փոստ. անդորրագիր AG014601265AM/: Համաձայն Հայաստանի Հանրապետության Սյունիքի մարզի  Մեղրիի համայնքապետարանի աշխատակազմի ֆինանսատնտեսական և եկամուտների հավաքագրման բաժնի կողմից 14.05.2019թ.տրված N190513033854000-190513021283002 վճարման հանձնարարականի ՝ քաղաքացի Ռաֆիկ Դավթյանը  վճարել է 73510(յոթանասուներեք հազար հինգ հարյուր տաս ) ՀՀ դրամ:
  Վարչական ակտն ընդունելու հիմնավորումը.
<<Վարչարարության հիմունքների և վարչական վարույթի մասին>> օրենքի 50-րդ հոդվածի 2-րդ մասի ա) կետի համաձայն ՝վարչական մարմնի նախաձեռնությամբ հարուցված վարչական վարույթը կարող է կարճվել , եթե՝ ա) անձը , ում հասցեագրված է լինելու վարչական ակտը , վերացրել է օրենքի կամ իրավական այլ ակտի պահանջների խախտումները կամ պատշաճ միջոցներ է ձեռնարկել խախտումները կանխելու ուղղությամբ, և նման դեպքերում այդ խախտումների վերաբերյալ չի պահանջում վարչական ակտի ընդունում :
 Ելնելով վերոգրյալից և ղեկավարվելով <<Տեղական ինքնակառավարման մասին>> օրենքի 38-րդ հոդվածի 1-ին մասի 4-րդ կետով ,<<Վարչարարության հիմունքների և վարչական վարույթի մասին>> օրենքի 50-րդ հոդվածի 2-րդ մասի ա) կետով, 3-րդ մասով , 53-րդ , 58-60-րդ հոդվածներով.

                                                                    ՈՐՈՇՈՒՄ ԵՄ

1.Քաղաքացի Ռաֆիկ Դավթյանի նկատմամբ 16 ապրիլի 2019 թվականի հարուցված վարչական վարույթը կարճել:
2.Սույն որոշումը կարող է վարչական կարգով բողոքարկվել Մեղրի համայնքի ղեկավարին՝ դրա ուժի մեջ մտնելու օրվանից երկու ամսվա ընթացքում կամ դատական կարգով Հայաստանի Հանրապետության վարչական դատարան՝ երկամսյա ժամկետում։
3.Սույն որոշման կատարման ընթացքի նկատմամբ հսկողությունն իրականացնում է Հայաստանի Հանրապետության Սյունիքի մարզի Մեղրի համայնքի ղեկավարը:
4.Սույն որոշումն ուժի մեջ է մտնում Ռաֆիկ Դավթյանին որոշման ընդունման մասին իրազեկելուն հաջորդող օրվանից: