Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 16-րդ կետով, Հայաստանի Հանրապետության հողային օրենսգրքի 48-րդ,75-րդ հոդվածներով, Հայաստանի Հանրապետության կառավարության 2001 թվականի ապրիլի 12-ի թիվ 286 որոշմամբ հաստատված կարգի դրույթներով, հիմք ընդունելով Հայաստանի Հանրապետության կառավարության 2023 թվականի մարտի 16-ի թիվ 325-Ա որոշումը`

ՈՐՈՇՈՒՄ ԵՄ

1.Հայաստանի Հանրապետության Սյունիքի մարզի Մեղրի համայնքի Նռնաձոր բնակավայրում գտնվող, պետական սեփականություն հանդիսացող, գյուղատնտեսական նշանակության ընդհանուր 147,918 հա հողամասերը առանց մրցույթի վարձակալության իրավունքով, 10 տարի ժամկետով, տարեկան 752164 (յոթ հարյուր հիսուներկու հազար հարյուր վաթսունչորս ) ՀՀ դրամ՝ որից

1)կադաստրային ծածկագիր 09-066-0112-0002, 44,436 հա - 225 958 դրամ,

2)կադաստրային ծածկագիր 09-066-0118-0001, 14,581 հա - 74 144 դրամ,

3)կադաստրային ծածկագիր 09-066-0131-0001, 15,163 հա - 77 104 դրամ,

4)կադաստրային ծածկագիր 09-066-0139-0003, 24,459 հա - 124374 դրամ,

5)կադաստրային ծածկագիր 09-066-0139-0004, 21,679 հա - 110238 դրամ,

6) կադաստրային ծածկագիր 09-066-0140-0001, 27,6 հա - 140346 դրամ

վարձավճարով տրամադրել «Նռնաձոր» գյուղատնտեսական կոոպերատիվին՝ գյուղատնտեսական գործունեություն իրականացնելու նպատակով:

2.Ընդունել ի գիտություն, որ հողամասի վարձակալության իրավունքի մասին պայմանագիրը ենթակա է նոտարական վավերացման, իսկ դրանից ծագող իրավունքը՝ պետական գրանցման անշարժ գույքի պետական ռեգիստրի համապատասխան ստորաբաժանումում:

3. Սահմանել, որ.

1)վարձակալության իրավունք ձեռք բերող անձը պարտավոր է վարձավճարը վճարել ոչ ուշ քան սույն տարվա վերջին ամսվա 15-ը՝ Մեղրիի համայնքապետարանի 900305081052 հաշվարկային հաշվին.

2)հողատարածքն այլ անձանց իրավունքներով կարող է ծանրաբեռնվել միայն Հայաստանի Հանրապետության կառավարության համաձայնությամբ։

4.Սույն որոշման կատարման ընթացքի նկատմամբ հսկողությունն ապահովում է Մեղրիի համայնքապետարանի աշխատակազմի քաղաքաշինության, հողօգտագործման, գյուղատնտեսության և գույքի կառավարման բաժնի պետի ժ/պ Մ. Մկրտչյանը: