ՆԱԽԱԳԻԾ

Հաշվի առնելով,  որ  Մեղրի  համայնքի Ագարակ քաղաքի Չարենցի փողոցում գտնվող 279 քմ համայնքային  սեփականություն  հանդիսացող հողամասի վրա կառուցված ինքնակամ կառույցի պահպանումը չի խախտում այլ անձանց իրավունքները և օրենքով պահպանվող շահերը,վտանգ չի սպառնում քաղաքացիների կյանքին ու առողջությանը, նկատի ունենալով, որ ինքնակամ կառույցը կառուցված չէ Հայաստանի Հանրապետության հողային օրենսգրքի 60-րդ հոդվածով նախատեսված հողամասերի վրա, ինժեներատրանսպորտային օբյեկտների օտարման ու անվտանգության գոտիներում և քաղաքաշինական նորմերի ու կանոնների էական խախտումներով, չի առաջացնում հարկադիր սերվիտուտ պահանջելու իրավունք, ինչպես նաև ելնելով այն հանգամանքից, որ ինքնակամ կառույցը համապատասխանում է հաստատված պետական կամ համայնքային նշանակության քաղաքաշինական համալիր ծրագրերի նախատեսված գոտիներում գտնվող կառույցների ծրագրերի պայմաններին,  ղեկավարվելով  «Տեղական ինքնակառավարման մասին»  օրենքի 35-րդ  հոդվածի  1-ին մասի 22-րդ և 24-րդ կետերով, հիմք ընդունելով  Հայաստանի Հանրապետության քաղաքացիական օրենսգրքի 188-րդ հոդվածի 2-րդ և 5-րդ մասերը, Հայաստանի Հանրապետության կառավարության 2006թ. մայիսի 18-ի թիվ 731-Ն որոշմամբ հաստատված կարգի 2-րդ կետը, Հայաստանի Հանրապետության կառավարության 2006 թվականի մայիսի 18-ի թիվ 912-Ն որոշմամբ  հաստատված  կարգի  33-րդ կետը, Հայաստանի Հանրապետության  կառավարության  2005  թվականի  դեկտեմբերի  29-ի  թիվ 2387-Ն  որոշմամբ  հաստատված   կարգի   48-րդ կետը.

1.Հայաստանի Հանրապետության  Սյունիքի մարզի Մեղրի համայնքի Ագարակ քաղաքի Չարենցի փողոցում գտնվող 0,02790 հա բնակավայրերի հողերի կատեգորիա՝ «խառը կառուցապատման հողեր» գործառնական նշանակության հողամասը և նրա վրա ինքնակամ կառուցված  199,1 քմ հասարակական նշանակության շինությունը՝կենցաղի տունը  դիտել որպես 1 (մեկ) միավոր և տրամադրել՝ <<Սյունիքի մարզ, Մեղրի համայնք, քաղաք Ագարակ, Չարենցի փողոց  թիվ  21/10>>  հասցե:

2.ՀՀ Սյունիքի մարզի  Մեղրի համայնքի քաղաք Ագարակ, Չարենցի փողոցի  թիվ 21/10 հասցեում գտնվող համայնքային սեփականություն  հանդիսացող հողամասի վրա կառուցված 199,1 քմ ինքնակամ շինությունը (հասարակական նշանակության շինություն՝կենցաղի տուն) համարել Մեղրի համայնքի սեփականություն  և այն ճանաչել օրինական։ 

3.Սույն որոշումից ծագող իրավունքը ենթակա է պետական գրանցման:  

4.Որոշման կատարման կազմակերպումն ու պատասխանատվությունը դնել Մեղրիի համայնքապետարանի աշխատակազմի քաղաքաշինության,  հողօգտագործման, գյուղատնտեսության  և  գույքի  կառավարման  բաժնի  պետի  վրա:

5.Որոշման կատարման վերահսկողությունը դնել Մեղրիի համայնքապետարանի աշխատակազմի քարտուղարի վրա: