Ղեկավարվելով <<Տեղական ինքնակառավարման մասին>> Հայաստանի Հանրապետության օրենքի 35-րդ հոդվածի 1-ին մասի 24-րդ կետով, Քաղաքացիական օրենսգրքի 188-րդ հոդվածի 4-րդ մասով, Հայաստանի Հանրապետության կառավարության 2006 թվականի մայիսի 18-ի <<Ինքնակամ կառույցների օրինականացման և տնօրինման կարգը հաստատելու մասին>> թիվ 912- Ն որոշմամբ, հիմք ընդունելով Մեղրի քաղաքային համայնքի ղեկավարի 2018 թվականի մարտի 29-ի <<Մեղրի համայնքի Ագարակ քաղաքի Չարենցի փողոցի թիվ 10 շենքին կից (շենքի ծավալից դուրս) ինքնակամ իրականացված կառույցներն օրինական ճանաչելու, շենքի զբաղեցրած հողամասը դրա բնակարանների և ոչ բնակելի տարածքների սեփականատերերին անհատույց բաժնային սեփականության իրավունքով փոխանցելու մասին>> թիվ 191- Ա որոշմամբ, հիմք ընդունելով <<Վերտեքս>> ՍՊԸ կողմից կատարված չափագրության արդյունքներով կազմված շինության հատակագիծը և Արմենուհի Բեգլարյանի համայնքի ղեկավարին ուղղած՝ 2017 թվականի դեկտեմբերի 13-ի N 2909 դիմումը.
որոշում եմ՝
1. Մեղրի համայնքի Ագարակ քաղաքի Չարենցի փողոցի թիվ 10/29 հասցեում գտնվող հասարակական տարածքին կից ինքնակամ կառուցված 27,1 քմ մակերեսով կցակառույցը, որի պահպանումը չի խախտում այլ անձանց իրավունքները և օրենքով պահպանվող շահերը,
վտանգ չի սպառնում քաղաքացիների կյանքին և առողջությանը, կառուցված չէ ինժեներատրանսպորտային օբյեկտների օտարման կամ անվտանգության գոտիներում, չի առաջացնում հարկադիր սերվիտուտ պահանջելու իրավունք, ճանաչել օրինական:
2. Պարտավորեցնել Արմենուհի Բեգլարյանին տեղական բյուջե վճարել 3000 դրամ x 0,069 x 27.1քմ = 5610 /հինգ հազար վեց հարյուր տաս/ ՀՀդրամ: Որոշման ընդունման օրվանից օրինականացման համար սահմանված վճարի` 60- օրյա ժամկետում չվճարման դեպքում որոշումը համարվում է ուժը կորցրած: