Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 16-րդ կետով, Հայաստանի Հանրապետության հողային օրենսգրքի 76-81-րդ հոդվածներով, Հայաստանի Հանրապետության կառավարության 2001 թվականի ապրիլի 12-ի թիվ 286 և 2010 թվականի հունվարի 14-ի N16-Ն որոշումներով հաստատված կարգի դրույթներով,հիմք ընդունելով Հայաստանի Հանրապետության Մեղրի համայնքի ավագանու 2019 թվականի մարտի 07-ի թիվ 21 որոշումը և 2019 թվականի մայիսի 20-ին կայացած մրցույթի թիվ 1/1 արձանագրությունը.
1.Հայաստանի Հանրապետության Սյունիքի մարզի Մեղրի համայնքի Մեղրի քաղաքում գտնվող, պետական սեփականություն հանդիսացող, գյուղատնտեսական նշանակության հնդավոր հողատեսքերից 10,14023 հա հողամասը (կադաստրային ծածկագիր` 09-005-0747-0008, անշարժ գույքի նկատմամբ իրավունքների պետական գրանցման վկայական N 06022019-09-0018) վարձակալության իրավունքով, 10 տարի ժամկետով, տարեկան 233233 (երկու հարյուր երեսուներեք հազար երկու հարյուր երեսուներեք) ՀՀ դրամ վարձավճարով տրամադրել Մեղրի համայնքի բնակիչ Ռոլանդ Գևորգյանին՝ գյուղատնտեսությամբ զբաղվելու նպատակով:
2.Ընդունել ի գիտություն, որ հողամասի վարձակալության իրավունքի մասին պայմանագիրը ենթակա է նոտարական վավերացման, իսկ դրանից ծագող իրավունքը՝ պետական գրանցման անշարժ գույքի պետական ռեգիստրի համապատասխան ստորաբաժանումում:
3. Սահմանել, որ.
ա)վարձակալության իրավունք ձեռք բերող անձը պարտավոր է վարձավճարը վճարել հավասար չափերով ըստ տարվա օրացույցային եռամսյակների, ոչ ուշ քան հաշվետու եռամսյակին հաջորդող ամսվա 15-ը,
բ) վարձակալը վարձավճարների ամբողջությամբ կամ մասնակի ուշացման յուրաքանչյուր օրվա համար վճարում է տուգանք՝վարձատուին չվճարված գումարի 0,05 տոկոսի չափով,
գ)վարձակալության իրավունքի մասին պայմանագրի նոտարական վավերացման և պետական գրանցման հետ կապված ծախսերը կատարվում է վարձակալության իրավունք ձեռք բերող անձի միջոցների հաշվին:
4.Սույն որոշման կատարման ընթացքի նկատմամբ հսկողությունն ապահովում է Մեղրիի համայնքապետարանի աշխատակազմի քաղաքաշինության, հողօգտագործման, գյուղատնտեսության և գույքի կառավարման բաժնի պետ Մ. Ղազարյանը: