ՆԱԽԱԳԻԾ

1.Վարչական իրավախախտման վերաբերյալ գործի նկարագրությունը, վարչական ակտն ընդունելու համար հիմք հանդիսացող փաստերը.

Հայաստանի Հանրապետության Սյունիքի մարզի Մեղրիի համայնքապետարանի աշխատակազմի քաղաքաշինության, հողօգտագործման, գյուղատնտեսության և գույքի կառավարման բաժնի կողմից 2024 թվականի   ապրիլի 11-ին հայտնաբերվել է  «Վարչական իրավախախտումների վերաբերյալ» օրենսգրքի 154¹-րդ հոդվածով նախատեսված վարչական իրավախախտում, մասնավորապես՝ Ժորա Միրզոյանի կողմից Հայաստանի Հանրապետության Սյունիքի մարզի Մեղրի համայնքի Մեղրի քաղաքի Զորավար Անդրանիկի փողոց  2-րդ փակուղի թիվ 8   հասցեում «Կցակառույց բնակելի սենյակի կառուցման»  համար  2023  թվականի մարտի   13-ին  տրված N 04 շինարարության թույլտվությամբ շինարարական աշխատանքները պետք է իրականացվեր 1 (մեկ) տարվա ընթացքում, սակայն սահմանված ժամկետում շինարարությունը ավարտված չէ:

Հայտնաբերված իրավախախտման փաստով Հայաստանի Հանրապետության Սյունիքի մարզի Մեղրիի համայնքապետարանի աշխատակազմի նախաձեռնությամբ «Վարչարարության հիմունքների և վարչական վարույթի մասին» օրենքի 30-րդ հոդվածի առաջին մասի «բ» ենթակետի  և նույն օրենքի 34-րդ հոդվածով սահմանված կարգով «Վարչական իրավախախտումների վերաբերյալ» օրենսգրքի 154¹-րդ  հոդվածի պահանջների խախտման փաստով  հարուցվել է վարչական վարույթ:

Վարչական իրավախախտման գործով հարուցված վարչական վարույթի շրջանակներում 2024 թվականի ապրիլի 17-ին ժամը 11։00-ին հրավիրվել են վարչական վարույթի լսումներ, որին մասնակցելու նպատակով պատշաճ ծանուցվել է քաղաքացի Ժորա Միրզոյանը (հիմք՝ 11․04․2024 թվականի փոստային անդորրագիր՝ ստացման վերաբերյալ հետադարձ հավաստմամբ), ինչպես նաև վարչական վարույթի մասին ծանուցումը հրապարակվել է Հայաստանի Հանրապետության  հրապարակային ծանուցումների պաշտոնական կայքում (azdarar.am)։

Կառուցապատողը պատշաճ ծանուցվել է կայանալիք  վարչական վարույթի գործի քննության տեղի և ժամանակի մասին, սակայն չի ներկայացել:

Գործի քննության ընթացքում ուսումնասիրվեցին  շինարարության թույտվությունները, Ժորա Միրզոյանի դիմումը՝ շինարարության թույլտվության տալու մասին, Հայաստանի Հանրապետության Սյունիքի մարզի Մեղրիի համայնքապետարանի աշխատակազմի քաղաքաշինության, հողօգտագործման և գույքի կառավարման բաժնի պետի ժամանակավոր պաշտոնակատար Մ․Մկրտչյանի 01․04․2024 թվականի թիվ 4158 զեկուցագիրը, կառուցվող օբյեկտի նախահաշվարկային արժեքի մասին փաստաթղթերը:

Շինարարության նախահաշվային արժեքը կազմում է 3668700 (երեք միլիոն վեց հարյուր վաթսունութ հազար յոթ հարյուր) ՀՀ դրամ։

Գործի փաստական հանգամանքների և դրանում առկա բոլոր ապացույցների բազմակողմանի, լրիվ և օբյելտիվ հետազոտման արդյունքում հիմնավորվեց, որ Ժորա Միրզոյանի կողմից սահմանված ժամկետում շինարարական աշխատանքներն ավարտված չեն, որով թույլ է տվել «Վարչական իրավախախտումների վերբերյալ» օրենսգրքի 154¹ -րդ հոդվածով նախատեսված վարչական իրավախախտում:

2.Վարչական ակտն ընդունելու հիմնավորումները.

Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 26-րդ կետի՝ համայնքի ղեկավարը, օրենքով նախատեսված դեպքերում և կարգով անձանց ենթարկում է վարչական պատասխանատվության:

Համաձայն «Տեղական ինքնակառավարման մասին» օրենքի 42-րդ հոդվածի 1-ին մասի 6-րդ կետի՝ համայնքի ղեկավարը, որպես սեփական լիազորություն՝ Հայաստանի Հանրապետության օրենսդրությամբ սահմանված կարգով  համաձայնեցնում է ճարտարապետաշինարարական  նախագծերը, տալիս շինարարության(քանդման) թույլտվություն, միջոցներ է ձեռնարկում շինարարության թույլտվությամբ նախատեսված ժամկետներում կառուցապատումն ավարտելու համար։

«Վարչական իրավախախտման վերաբերյալ» օրենսգրքի 154^1-րդ հոդվածի առաջին մասի  համաձայն՝ Կառուցապատումը՝ կառուցումը, վերակառուցումը և (կամ) քանդումը, համապատասխան քաղաքաշինական գործունեության համար սահմանված քաղաքաշինական նորմերով նախատեսված ժամկետներում չավարտելը` առաջացնում է տուգանքի նշանակում՝ շինարարության նախահաշվային արժեքի (իսկ նախահաշվային փաստաթղթերի բացակայության դեպքում՝ քաղաքաշինության բնագավառի լիազորված պետական կառավարման մարմնի սահմանած շինարարական աշխատանքների տեսակների արժեքի խոշորացված ցուցանիշների համաձայն հաշվարկված ծախսերի) երեք տոկոսի չափով:

 Նույն օրենսգրքի 9-րդ հոդվածի համաձայն՝ վարչական իրավախախտում (զանցանք) է համարվում պետական կամ հասարարական կարգի, սոցիալիստական սեփականության, քաղաքացիների իրավունքների և ազատությունների, կառավարման սահմանված  կարգի դեմ ոտնձգվող հակաիրավական, մեղավոր (դիտավորյալ կամ անզգույշ) այնպիսի գործողությունը կամ անգործությունը, որի համար օրենսդրությամբ նախատեսված է վարչական պատասխանատվություն:

Համաձայն «Վարչական իրավախախտումների վերաբերյալ» օրենսգրքի 219¹-րդ հոդվածի 4-րդ մասի՝ տեղական ինքնակառավարման մարմինների անունից վարչական իրավախախտումների վերաբերյալ գործեր քննելու և վարչական տույժ նշանակելու իրավունք ունի համայնքի ղեկավարը:

Ելնելով վերոգրյալից և ղեկավարվելով «Տեղական ինքնակառավարման մասին» օրենքի 35-րդ հոդվածի առաջին մասի 26-րդ կետով, 42-րդ հոդվածի առաջին մասի 6-րդ կետով, «Վարչական իրավախախտումների վերաբերյալ» օրենսգրքի 23-րդ հոդվածի 2-րդ կետով, 32-րդ հոդվածով,154¹–րդ, 219¹ -րդ, 281-րդ և 282-րդ հոդվածներով, «Վարչարարության հիմունքների և վարչական վարույթի մասին» օրենքի 53-րդ, 58-60-րդ հոդվածներով՝

ՈՐՈՇՈՒՄ ԵՄ

1.Կառուցապատող Ժորա Միրզոյանին «Վարչական իրավախախտումների վերաբերյալ» օրենսգրքի 154¹–րդ  հոդվածի առաջին մասով ենթարկել վարչական պատասխանատվության՝ նշանակելով վարչական տույժ՝ 110661 (մեկ հարյուր տաս հազար վեց հարյուր վաթսունմեկ) ՀՀ դրամի չափով:

2.«Վարչական իրավախախտումների վերաբերյալ» օրենսգրքի 305-րդ հոդվածի համաձայն տուգանքը պետք է վճարվի սույն որոշումն իրավախախտումն կատարած անձի կողմից ստանալուց ոչ ուշ, քան տասնհինգ օրվա ընթացքում՝ ՀՀ ֆինանսների նախարարություն,Մեղրի համայնք, 900305081276 հաշվարկային հաշվեհամարին:

3․Սույն որոշման պահանջները չկատարելու դեպքում «Վարչարարության հիմունքների և վարչական վարույթի մասին» օրենքի 88-րդ հոդվածով սահմանված կարգով այն ենթակա է հարկադիր կատարման՝ եռամսյա ժամկետում:

4.Սույն որոշումն ուժի մեջ մտնելու օրվանից կարող է բողոքարկվել վարչական կարգով համայնքի ղեկավարին երկու ամսվա ընթացքում կամ դատական կարգով Հայաստանի Հանրապետության վարչական դատարան՝ երկամսյա ժամկետում: 4.Սույն որոշումն ուժի մեջ է մտնում Ժորա Միրզոյանին որոշման ընդունման մասին իրազեկելուն հաջորդող օրվանից: