Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով, Հայաստանի Հանրապետության կառավարության 2001թ. ապրիլի 12-ի N286 որոշմամբ սահմանված կարգի 46.2 կետի թ) ենթակետով, հիմք ընդունելով Հայաստանի Հանրապետության էներգետիկայի և բնական պաշարների նախարարության կողմից 2018 թվականի մայիսի 17-ին տրված օգտակար հանածոյի արդյունահանման ՇԱԹՎ-29/576 թույլտվությունը, Հայաստանի Հանրապետության էներգետիկայի և բնական պաշարների նախարարության կողմից 2018 թվականի մայիսի 17-ին տրված NL-576 լեռնահատկացման ակտը, «Սոս-Սաքո» ՍՊԸ-ի գրավոր հայտը և համայնքի ղեկավարի առաջարկությունը՝ Մեղրի համայնքի ավագանին

որոշում է՝

1.Հայաստանի Հանրապետության Սյունիքի մարզի Մեղրի համայնքի Ալվանք գյուղի 2-րդ փողոցի թիվ 2/137 հասցեում գտնվող, համայնքային սեփականություն հանդիսացող (անշարժ գույքի նկատմամբ իրավունքների պետական գրանցման N15032021-09-0031 վկայական) արդյունաբերության, ընդերքօգտագործման և այլ արտադրական նշանակության օբյեկտների հողերի կատեգորիայի «ընդերքօգտագործման հողեր» գործառնական նշանակության 3.94768 հա հողամասը կառուցապատման իրավունքով, 12 տարի ժամկետով, տարեկան 490 302 (չորս հարյուր իննսուն հազար երեք հարյուր երկու) ՀՀ դրամ վարձավճարով տրամադրել «Սոս-Սաքո» ՍՊԸ-ին՝ ընդերքն օգտակար հանածոների արդյունահանման համար:

2.Համայնքի ղեկավարին՝ ձեռնարկել սույն որոշումից բխող անհրաժեշտ գործառույթների իրականացումը: