«Կանաչ արահետ» ՀԿ-ն վեց տարի անընդմեջ սեպտեմբերի կեսերին կազմակերպել և իրականացրել է Գյուղական կյանքի և ավանդույթների ամենամյա փառատոնը (այսուհետև Փառատոն), որի հիմնական նպատակն է եղել նպաստել գյուղատնտեսության և գյուղական համայնքների կայուն զարգացմանը Հայաստանում:

Այս տարի Փառատոնը նախատեսվում է իրականացնել սեպտեմբերի 26-27-ը։ Հաշվի առնելով երկրում տիրող համաճարակային իրավիճակը՝ ցանկանում ենք Փառատոնը իրականացնել բացօթյա՝ Կանաչ ուսուցման կենտրոնում, որը գտնվում է Ձորաղբյուր համայնքում, ավելի քան մեկ հեկտար տարածքի վրա, որտեղ կպահպանվեն անվտագության բոլոր կանոնները։ Փառատոնը կլուսաբանվի նաև օնլայն և այլ ձևաչափերով։

Շատ շնորհակալ կլինենք եթե աջակցեք Սյունիքի մարզի ֆերմերների և ֆերմերային խմբերի մասնակցությանը Փառատոնին: Ձեր մասնակցությունը չափազանց կարևոր է մեզ համար: Ներկա կլինեն նաև միջազգային կազմակերպությունների և դիվանագիտական հաստատությունների ղեկավարներ:

Մենք հավատում ենք, որ համատեղ ջանքերով կարող ենք նպաստել գյուղատնտեսության ոլորտում առկա խնդիրների լուծմանը և խթանել տնտեսական ու սոցիալական զարգացումը մեր երկրում:

Ուրախ կլինենք հանդիպել Ձեզ և քննարկել այս կարևոր միջոցառման մանրամասները:

Կանխավ շնորհակալ եմ:

Հարգանքով` Նունե Սարուխանյան Բջջ․ հեռ․ 091 43 82 25