Զեկ. ԲԱԳՐԱՏ ԶԱՔԱՐՅԱՆ

Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով, Հայաստանի Հանրապետության քաղաքացիական օրենսգրքի 188-րդ հոդվածով, Հայաստանի Հանրապետության հողային օրենսգրքի 66-րդ հոդվածի 1-ին մասի 4-րդ կետով, Հայաստանի Հանրապետության կառավարության 2006 թվականի մայիսի 18-ի N912-Ն որոշման դրույթներով, հիմք ընդունելով Քնարիկ Սերյոժայի Օհանյանի կողմից ներկայացված դիմումը, գնման նախապատվության իրավունքով (ուղղակի վաճառք) օտարելու մասին համաձայնագիրը, համայնքի ղեկավարի առաջարկությունը՝ Մեղրի համայնքի ավագանին

ՈՐՈՇՈՒՄ Է

1.Հայաստանի Հանրապետության Սյունիքի մարզի Մեղրի համայնքի սեփականություն հանդիսացող, Մեղրի համայնք Մեղրի քաղաքի Գործարանային փողոց 34/3 հասցեում գտնվող 107,62 քմ արտաքին մակերեսով շինությունները /անասնաշենք,խոտանոց և պահեստ/ և նրա համար սահմանված կարգով առանձնացված բնակավայրերի նպատակային նշանակության բնակելի կառուցապատման գործառնական նշանակության 0,04328 հա մակերեսով հողամասը (կադաստրային ծածկագիր՝ 09-005-0062-0005, անշարժ գույքի նկատմամբ իրավունքների պետական գրանցման N 20072023-09-0011 վկայական) գնման նախապատվության իրավունքով (ուղղակի վաճառք), օրենքով սահմանված կարգով օտարել Քնարիկ Սերյոժայի Օհանյանին՝ Հայաստանի Հանրապետության կառավարության 18.05.2006 թվականի N912-Ն որոշմամբ հաստատված կարգի 35-րդ կետի սահմանված գներով.

1) Ընդհանուր մակերերսով շինությունների համար՝ 20 000 դրամ x 0,1209 x 107,62 քմ = 260226 /երկու հարյուր վաթսուն հազար երկու հարյուր քսանվեց/ ՀՀ դրամ

2) Պահպանման և սպասարկման համար ամրակայած հողատարածքի՝ 1221 դրամ x 432,8 քմ =528449 /հինգ հարյուր քսանութ հազար չորս հարյուր քառասունինը / ՀՀ դրամ

3) Համաձայն Հայաստանի Հանրապետության կառավարության 18.05.2006 թվականի N912-Ն որոշմամբ հաստատված կարգի 35.1-րդ կետի՝ վերը նշված չափերով ձևավորված վաճառքի գնին (վարձավճարին) հավելվում են տվյալ միավորի նկատմամբ մինչև օտարումը պետության կամ համայնքի անվամբ գույքային իրավունքների պետական գրանցման համար իրականացված վճարները` 23 000 (քսաներեք հազար) ՀՀ դրամ (վճարման անդորրագրերի հիման վրա):