Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետով, Հայաստանի Հանրապետության քաղաքացիական օրենսգրքի 188-րդ հոդվածով, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ, Հայաստանի Հանրապետության կառավարության 2005թ. դեկտեմբերի 29-ի N2387-Ն որոշմամբ, հիմք ընդունելով «ՎԵՐՏԵՔՍ» սահմանափակ պատասխանատվությամբ ընկերության կողմից տրված հաշվառման (չափագրման) տվյալների մուտքագրման տեղեկանքը /ծածկագիր 2023DBZTBG/ և Մկրտիչ Ռազմիկի Ստեփանյանի՝ համայնքի ղեկավարին ուղղած 05.01.2023թ. 0054-Ք դիմումը ՝

ՈՐՈՇՈՒՄ ԵՄ

1․Հայաստանի Հանրապետության Սյունիքի մարզի Մեղրի համայնքի Մեղրի քաղաքի Զորավար Անդրանիկի փողոցում գտնվող, Մկրտիչ Ռազմիկի Ստեփանյանին սեփականության իրավունքով պատկանող 0,00174 հա բնակավայրերի հողերի կատեգորիա՝ «հասարակական կառուցապատման հողեր» գործառնական նշանակության հողամասում գտնվող (կադաստրային ծածկագիր՝ 09-005-0065-0050, սեփականության վկայագիր տրված 30․04․1996 թվականին, գրանցման գիրք N 1560) 17,4 քմ ընդհանուր մակերեսով օժանդակ շինությունը /երկրորդ հարկ/, որի պահպանումը չի խախտում այլ անձանց իրավունքները, օրենքով պահպանվող շահերը և վտանգ չի սպառնում քաղաքացիների կյանքին և առողջությանը, կառուցված չէ ինժեներատրանսպորտային օբյեկտների օտարման կամ անվտանգության գոտիներում, չի առաջացնում հարկադիր սերվիտուտ պահանջելու իրավունք՝ ճանաչել օրինական:

2.Հայաստանի Հանրապետության Սյունիքի մարզի Մեղրի համայնքի Մեղրի քաղաքի Զորավար Անդրանիկի փողոցում գտնվող, Մկրտիչ Ռազմիկի Ստեփանյանին սեփականության իրավունքով պատկանող 09-005-0065-0050 կադաստրային ծածկագրով հողամասին և վերջինիս վրա ամրակայված անշարժ գույքերին տրամադրել` «Սյունիքի մարզ, Մեղրի համայնք, Մեղրի քաղաք, Զորավար Անդրանիկի փողոց 28/54» հասցե /ՀՀ Կադաստրի կոմիտեի կողմից հաստատված հայտի քաղվածքի ծածկագիր՝ 09005KK5KG4D/:

3.Տեղեկացնել Մկրտիչ Ռազմիկի Ստեփանյանին, որ սույն որոշման ընդունման օրվանից 60-օրյա ժամկետում Մեղրի համայնքի բյուջեի 900305083306 հաշվին պետք է վճարի Հայաստանի Հանրապետության կառավարության 2006 թվականի մայիսի 18-ի N912-Ն որոշմամբ սահմանված վճարները՝ 17,4 քմ ընդհանուր մակերեսով օժանդակ շինության համար 49 486 (քառասունինը հազար չորս հարյուր ութսունվեց) ՀՀ դրամ (17,4 քմ x 20 000 դրամ x 0,1422= 49 486 ՀՀ դրամ):

4․Տեղեկացնել Մկրտիչ Ռազմիկի Ստեփանյանին, որ Մեղրի համայնքի բյուջեի 900305081433 հաշվին պետք է վճարի 15000 (տասնհինգ հազար) ՀՀ դրամ հասցե տրամադրելու համար։

5.Սույն որոշման ընդունման օրվանից 60-օրյա ժամկետում օրինականացման համար սահմանված վճարումը չկատարելու դեպքում սույն որոշումը համարվում է ուժը կորցրած:

6.Սույն որոշումը կարող է վարչական կարգով բողոքարկվել Մեղրի համայնքի ղեկավարին՝ ուժի մեջ մտնելու օրվանից երկու ամսվա ընթացքում կամ դատական կարգով՝ Հայաստանի Հանրապետության վարչական դատարան՝ երկամսյա ժամկետում:

7.Սույն որոշման կատարման կազմակերպումն ու պատասխանատվությունը դնել Մեղրիի համայնքապետարանի աշխատակազմի քաղաքաշինության, հողօգտագործման, գյուղատնտեսության և գույքի կառավարման բաժնի պետի վրա:

8.Որոշման կատարման հսկողությունը դնել Մեղրիի համայնքապետարանի աշխատակազմի քարտուղարի վրա: