1. Վարչական ակտով լուծվող հարցի նկարագրությունը.

Հայաստանի Հանրապետության Սյունիքի մարզի Մեղրի քաղաքի Գործարանային փողոց 45/11 հասցեում գտնվող բնակարանին կից, համայնքային սեփականություն հանդիսացող՝ բնակավայրերի նշանակության հողամասի վրա Աշոտ Հենրիկի Գրիգորյանի կողմից ապօրինի կառուցվել է կցակառույց:

2. Վարչական ակտն ընդունելու համար հիմք հանդիսացող փաստերը. Մեղրի քաղաքի Գործարանային փողոց 45/11 հասցեում գտնվող բնակարանին կից կառույցը կառուցված է առանց ՀՀ օրենսդրությամբ նախատեսված համապատասխան քաղաքաշինական փաստաթղթերի և քաղաքաշինական նորմերի խախտումով:

3. Վարչական ակտն ընդունելու հիմնավորումը, Հայաստանի Հանրապետության Սահմանադրության 40-րդ հոդվածի համաձայն Հայաստանի Հանրապետության տարածքում օրինական հիմքերով գտնվող յուրաքանչյուր ոք ունի ազատ տեղաշարժվելու և բնակավայր ընտրելու իրավունք, ինչպես նաև ազատ տեղաշարժվելու իրավունքը կարող է սահմանափակվել միայն օրենքով` պետական անվտանգության, հանցագործությունների կանխման կամ բացահայտման, հասարակական կարգի, առողջության և բարոյականության կամ այլոց հիմնական իրավունքների և ազատությունների պաշտպանության նպատակով: Հողային օրենսգրքի 8-րդ հոդվածի 1-ին մասի համաձայն՝ «Հողամասի թույլատրված օգտագործումը հողամասի օգտագործումն է դրա նպատակային և գործառնական նշանակությամբ, ներառյալ՝ սահմանված իրավունքները և սահմանափակումները: Հողային օրենսգրքի 43-րդ հոդվածի 2-րդ մասի համաձայն՝ Համայնքի ղեկավարը կանխարգելում, կասեցնում և վերացնում է ապօրինի հողօգտագործումը համայնքի վարչական սահմաններում:

Քաղաքացիական օրենսգրքի 188-րդ հոդվածի 1-ին մասի համաձայն ինքնակամ կառույց է համարվում օրենքով և այլ իրավական ակտերով սահմանված կարգով այդ նպատակի համար չհատկացված հողամասում կամ առանց թույլտվության կամ թույլտվությամբ սահմանված պայմանների կամ քաղաքաշինական նորմերի և կանոնների էական խախտումներով կառուցված կամ վերակառուցված կամ տեղադրված շենքը, շինությունըկամայլկառույցը: Նույն հոդվածի 3-րդ մասի համաձայն հողամասի սեփականատերն իրավունք ունի քանդելու իր հողամասում գտնվող ինքնակամ կառույցը՝ առանց դատարան դիմելու: Պետական կամ համայնքային սեփականություն հանդիսացող հողամասում գտնվող ինքնակամ կառույցի քանդման (ապամոնտաժման) մասին որոշում կայացնում են օրենքով սահմանված իրավասու մարմինները: «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի համաձայն համայնքի ղեկավարը իր իրավասության շրջանակում ընդունում է որոշումներ։ «Քաղաքաշինության մասին» օրենքի 17-րդ հոդվածի 13-րդ մասի համաձայն՝ «Քաղաքաշինական գործունեություն իրականացնելու նպատակով անշարժ գույքի (հողամասեր, շենքեր, շինություններ) օգտագործման պայմանները չեն կարող հակասել հաստատված քաղաքաշինական փաստաթղթերով սահմանված պահանջներին»: Նույն օրենքի 18-րդ հոդվածի համաձայն՝ «Հողօգտագործումը քաղաքաշինական գործունեության բնագավառում իրականացվում է նպատակային՝ հաստատված տարածական պլանավորման փաստաթղթերին, սույն օրենքին և իրավական այլ ակտերին համապատասխան»: Հայաստանի Հանրապետության կառավարության 2006 թվականի մայիսի 18-ի թիվ 912-Ն որոշման 2-րդ կետի ա) ենթակետի համաձայն օրինականացման ենթակա չեն այն ինքնակամ կառույցները, որոնց պահպանումը խախտում է այլ անձանց իրավունքները և oրենքով պահպանվող շահերը կամ վտանգ է uպառնում քաղաքացիների կյանքին ու առողջությանը։ «Վարչարարության հիմունքների և վարչական վարույթի մասին» օրենքի 20-րդ հոդվածի 5-րդ մասի համաձայն՝ «Անմիջական սպառնացող վտանգը կանխելու կամ արդեն իսկ առաջացած վտանգի հետևանքները վերացնելու, ինչպես նաև օրենքով նախատեսված այլ դեպքերում վարչական վարույթը կարող է սահմանափակվել միայն եզրափակիչ փուլով։ «Վարչարարության հիմունքների և վարչական վարույթի մասին» օրենքի 36-րդ հոդվածի 2-րդ մասի համաձայն՝ «Վարչական մարմինը պետք է վարչական վարույթն իրականացնի առանց դա բարդացնելու՝ լրացուցիչ լսումներ անցկացնելու, լրացուցիչ փորձաքննություն նշանակելու կամ զննում կատարելու, եթե առկա չեն գործի փաստական հանգամանքների պարզաբանման համար անհրաժեշտ պատճառներ: «Վարչարարության հիմունքների և վարչական վարույթի մասին» օրենքի 36-րդ հոդվածի 3-րդ մասի՝ «Եթե վարչական վարույթ հարուցելուց հետո վարչական մարմնի տրամադրության տակ առկա են համապատասխան վարչական ակտն ընդունելու համար անհրաժեշտ փաստաթղթերը, բավարար չափով պարզաբանված և ճշգրտված են տվյալ գործի հանգամանքները, ապա վարչական մարմինը պարտավոր է վարչական ակտն ընդունել նշված հանգամանքների ի հայտ գալուց հետո՝ ողջամիտ ժամկետում՝ չսպասելով ընդհանուր կամ հատուկ ժամկետի լրանալուն:

2023 թվականի օգոստոսի 17-ին «Վարչարարության հիմունքների և վարչական վարույթի մասին» օրենքի 30-րդ հոդվածի 1-ին մասի բ) կետի հիմքով հարուցված վարչական վարույթի շրջանակներում 2023 թվականի օգոստոսի 24-ին և սեպտեմբերի 05-ին հրավիրվել են վարչական վարույթի լսումներ, որին մասնակցելու նպատակով պատշաճ ծանուցվել է քաղաքացի Աշոտ Հենրիկի Գրիգորյանը (հիմք՝ 17․08․2023 թվականի փոստային անդորրագիր AL0110853571AM, 04․09․2023 թվականի փոստային անդորրագիր AL0111094570AM), ինչպես նաև վարչական վարույթի մասին ծանուցումը հրապարակվել է Հայաստանի Հանրապետության հրապարակային ծանուցումների պաշտոնական կայքում (azdarar.am) և 2023 թվականի սեպտեմբերի 7-ին համայնքի ղեկավարի կողմից կայացվել է թիվ 662-Ա որոշումը` «Աշոտ Հենրիկի Գրիգորյանին վարչական պատասխանատվության ենթարկելու մասին»:

Հիմք ընդունելով նշված փաստական հանգամանքներն ու իրավական նորմերը և ելնելով վերոգրյալ հիմնավորումներից՝

ՈՐՈՇՈՒՄ ԵՄ`

1. Հայաստանի Հանրապետության Սյունիքի մարզի Մեղրի քաղաքի Գործարանային փողոց 45/11 հասցեում գտնվող բնակարանին կից, համայնքային սեփականություն հանդիսացող  հողամասում կառուցված ինքնակամ կցակառույցը երկշաբաթյա ժամկետում քանդել և անօրինական տիրապետումից ազատել համայնքային սեփականություն հանդիսացող հողամասը` բերելով նախկին տեսքի։

2. Դիմել Հայաստանի Հանրապետության ՆԳՆ ոստիկանության համապատասխան ստորաբաժանմանը` սույն որոշման 1-ին կետի համաձայն` Մեղրիի համայնքապետարանի կողմից վարչական հարկադրանքի միջոցներ կիրառվելու ընթացքում, համապատասխան վայրում ապահովել հասարակական կարգի պահպանումը:

3.Քանդման աշխատանքների իրականացման հետ կապված ծախսերը բռնագանձել ինքնակամ կցակառույց իրականացրած անձից:

4.Սույն որոշման պահանջների կատարման կազմակերպումը դնել Մեղրիի համայնքապետարանի աշխատակազմի քաղաքաշինության,հողօգտագործման,գյուղատնտեսության,գույքի կառավարման բաժնի պետի ժամանակավոր պաշտոնակատար Մկրտիչ Մկրտչյանի վրա, իսկ որոշման կատարման ընթացքի նկատմամբ հսկողությունը՝ Մեղրի համայնքի ղեկավարի առաջին տեղակալ Բագրատ Զաքարյանի վրա:

5. Սույն որոշումն ուժի մեջ է մտնում ընդունման հաջորդող օրվանից:

6. Սույն որոշումը կարող է վարչական կարգով բողոքարկվել Մեղրի համայնքի ղեկավարին կամ դատական կարգով՝ Հայաստանի Հանրապետության վարչական դատարան՝ դրա ուժի մեջ մտնելու օրվանից երկամսյա ժամկետում։