Հոկտեմբերի 9-ին Մեղրի համայնքի ղեկավար Խաչատուր Անդրեասյանը ընդունել է ՀՀ-ում Ճապոնիայի դեսպանության երկրորդ քարտուղար Մեգումի Ջիմբոյին։
Հանդիպման ընթացքում համայնքի ղեկավարը շնորհակալություն հայտնեց տիկին Ջիմբոյին այցելության համար՝ ընդգծելով նման կապերի կարևորությունը համայնքի զարգացման և մշակութային փոխանակման տեսանկյունից։
Ի պատասխան՝ Մեգումի Ջիմբոն ևս շնորհակալություն հայտնեց ջերմ ընդունելության համար և համայնքի ղեկավարին հրավիրեց մասնակցելու հոկտեմբերի 23-ին Կապան քաղաքում կայանալիք Ճապոնական ֆիլմերի փառատոնին:
Համայնքի ղեկավարը ընդունեց հրավերը՝ շեշտելով, որ նման միջոցառումները նպաստում են ժողովուրդների միջև փոխըմբռնման և մշակութային կապերի ամրապնդմանը։
|