Զեկ. ԽԱՉԱՏՈՒՐ ԱՆԴՐԵԱՍՅԱՆ

Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով, Հայաստանի Հանրապետության քաղաքացիական օրենսգրքի 188-րդ հոդվածով, Հայաստանի Հանրապետության հողային օրենսգրքի 66-րդ հոդվածի 1-ին մասի 4-րդ կետով, Հայաստանի Հանրապետության կառավարության 2006 թվականի մայիսի 18-ի N 912-Ն որոշման դրույթներով, հիմք ընդունելով Վարսիկ Ռազմիկի Սարգսյանի կողմից ներկայացված դիմումը, գնման նախապատվության իրավունքով (ուղղակի վաճառք) օտարելու մասին համաձայնագիրը, համայնքի ղեկավարի առաջարկությունը՝ Մեղրի համայնքի ավագանին

ՈՐՈՇՈՒՄ Է

1.Հայաստանի Հանրապետության Սյունիքի մարզի Մեղրի համայնքի սեփականություն հանդիսացող, Մեղրի համայնք, քաղաք Ագարակ, Գ. Նժդեհի փողոց, 7/1 հասցեում գտնվող 27.7 քմ ընդհանուր մակերեսով շինությունը /մառան և օժանդակ շինություն/ և նրա համար սահմանված կարգով առանձնացված բնակավայրերի նպատակային նշանակության բնակելի կառուցապատման գործառնական նշանակության 0.00277 հա մակերեսով հողամասը (կադաստրային ծածկագիր՝ 09-002-0042-0032) գնման նախապատվության իրավունքով (ուղղակի վաճառք), օրենքով սահմանված կարգով օտարել Վարսիկ Ռազմիկի Սարգսյանին՝ Հայաստանի Հանրապետության կառավարության 18.05.2006 թվականի N 912-Ն որոշմամբ հաստատված կարգի 35-րդ կետի սահմանված գներով.

1) Շինության համար՝ 10 000 դրամ x 0.1209 x 27.7 քմ = 33 490 (երեսուներեք հազար չորս հարյուր իննսուն) ՀՀ դրամ.

2) Պահպանման և սպասարկման համար ամրակայած հողատարածքի՝ 1221 դրամ x 27.7քմ = 33 830 (երեսուներեք հազար ութ հարյուր երեսուն) ՀՀ դրամ.

3) Համաձայն Հայաստանի Հանրապետության կառավարության 18.05.2006 թվականի N 912-Ն որոշմամբ հաստատված կարգի 35.1-րդ կետի՝ վերը նշված չափերով ձևավորված վաճառքի գնին (վարձավճարին) հավելվում են տվյալ միավորի նկատմամբ մինչև օտարումը պետության կամ համայնքի անվամբ գույքային իրավունքների պետական գրանցման համար իրականացված վճարները` 23 000 (քսաներեք հազար) ՀՀ դրամ (վճարման անդորրագրերի հիման վրա):

2.Համայնքի ղեկավարին` ապահովել սույն որոշումից բխող անհրաժեշտ գործառույթների իրականացումը: