Ղեկավարվելով «Տեղական ինքնակառավարման մասին» Հայաստանի Հանրապետության օրենքի 11-րդ հոդվածի 6-րդ մասի, «Իրավական ակտերի մասին» Հայաստանի Հանրապետության օրենքի 20-րդ հոդվածի 1-ին մասի դրույթներով, հիմք ընդունելով համայնքի ղեկավարի առաջարկությունը  և  որոշման  նախագծի  քվեարկության  հետևյալ  արդյունքները`  կողմ-9, դեմ-0,  ձեռնպահ-0, Հայաստանի Հանրապետության Սյունիքի մարզի Մեղրի համայնքի ավագանին

որոշում   է`

1.Տալ համաձայնություն Մեղրի համայնքին Հայաստանի տարածքային զարգացման հիմնադրամի սոցիալական ներդրումների և տարածքային զարգացման ծրագրին մասնակցության հայտ ներկայացնելու համար:

2.Ստեղծել նախաձեռնող խումբ Հայաստանի տարածքային զարգացման հիմնադրամի սոցիալական ներդրումների և տարածքային զարգացման ծրագրին մասնակցության հայտ ներկայացնելու  նպատակով:

3. Հաստատել սույն որոշման 1-ին կետում  նշված ծրագրին մասնակցության հայտ ներկայացնող նախաձեռնող խմբի անհատական կազմը`  համաձայն  հավելվածի:

4. Հանձնարարել ՆԽ-ին`

1)Նախապատրաստել ծրագրի նախնական առաջարկ,

2)Հայտերի նախնական ընտրությունը կատարել ՀՏԶՀ-ի կողմից առաջարկված չափանիշներին համաձայն,

3Ծրագրի ընտրության և նախապատրաստման ընթացքում մասնակից համայնքների բնակչությանը տրամադրել մանրամասն  տեղեկատվություն ծրագրի և նրա նախապատրաստման ընթացքի մասին,

4)Ձեռնարկել միջոցներ` ծրագրի նախապատրաստմանը բնակչությանը ներգրավելու համար,

5)Այնպես անել, որ բաղադրիչ ենթածրագրերը `

ա.ուղղված լինեն մասնակից համայնքների ընդհանուր  սոցիալական և տնտեսական խնդիրների  լուծմանը,

բ.իրար լրացնեն և ուժեղացնեն:

5.Լիազորել նախաձեռնող խմբի անդամներին` Մեղրի համայնքի կազմում ընդգրկված բնակավայրերի բնակչության սոցիալական ներդրումների և տարածքային զարգացման ծրագրի առաջարկները ՀՏԶՀ-ին ներկայացնելու համար: