Զեկ. ԽԱՉԱՏՈՒՐ ԱՆԴՐԵԱՍՅԱՆ

Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 5-րդ կետով, «Հայաստանի Հանրապետության բյուջետային համակարգի մասին» օրենքի 32-րդ հոդվածով, 33-րդ հոդվածի 3-րդ մասով՝ Մեղրի համայնքի ավագանին

 ՈՐՈՇՈՒՄ Է

1. Հաստատել Հայաստանի Հանրապետության Սյունիքի մարզի Մեղրի համայնքի 2022 թվականի բյուջեն`

1)եկամուտների գծով` 886,095,298/ութ հարյուր ութսունվեց միլիոն իննսունհինգ հազար երկու հարյուր իննսունութ/ ՀՀ դրամ,

2)ծախսերի գծով` 965,028,313/ ինը հարյուր վաթսունհինգ միլիոն քսանութ հազար երեք հարյուր տասներեք/ ՀՀ դրամ,

3)դեֆիցիտը (պակասուրդը)` 78,933,015/ յոթանասունութ միլիոն ինը հարյուր երեսուներեք հազար տասնհինգ/ ՀՀ դրամ:

2. Մեղրի համայնքի բյուջեի դեֆիցիտի (պակասուրդի) ֆինանսավորմանն ուղղել տարեսկզբի ազատ մնացորդը՝ 78,933,015/ յոթանասունութ միլիոն ինը հարյուր երեսուներեք հազար տասնհինգ/ՀՀդրամ:

3. Հաստատել համայնքի բյուջեի եկամուտները և ծախսերը, հավելուրդը (պակասուրդը)` համաձայն հավելվածների:

4. «Հայաստանի Հանրապետության բյուջետային համակարգի մասին»  օրենքի 33-րդ հոդվածի 3-րդ մասի համաձայն

1)թույլատրել համայնքի ղեկավարին համայնքի բյուջեի կատարման ընթացքում կատարելու վերաբաշխումներ ըստ գործառնական և տնտեսագիտական դասակարգման ծախսերի նախատեսված հոդվածների միջև,

2)սահմանել, որ փոփոխությունների հանրագումարը բյուջետային տարվա ընթացքում չի կարող գերազանցել հաստատված չափաքանակների 15%-ը: 

5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից և տարածվում է 2022 թվականի հունվարի 1-ից ծագող հարաբերությունների վրա: