| Բովանդակություն * | Հունիսի 19-ին Մեղրի համայնքի ղեկավար Խաչատուր Անդրեասյանն ընդունել է «Գալաքսի» ընկերությունների խմբի կազմում հանդես եկող «Յուքոմ» ՓԲԸ գլխավոր տնօրեն Ռալֆ Յիրիկյանին։ Հանդիպման ընթացքում կողմերը քննարկել են համագործակցության հնարավորություններն ու հեռանկարները՝ հիմնվելով ժամանակակից տեխնոլոգիաների կիրառման և թվային զարգացման առաջնահերթությունների վրա։ Հանդիպման կարևորագույն ուղերձներից էր Հայաստանի Հանրապետությունում առաջին 5G ցանցի գործարկումը հենց Մեղրիում։ Սա աննախադեպ իրադարձություն է ոչ միայն տարածաշրջանի, այլև ողջ երկրի համար։ Տեղեկատվական տեխնոլոգիաների դարաշրջանում նման քայլերը ծառայում են մարզային համայնքների թվային ներառմանը, նոր հնարավորությունների ստեղծմանը կրթության, բիզնեսի, կապի և զարգացման այլ ոլորտներում։ Ռալֆ Յիրիկյանը ներկայացրել է «Յուքոմ»-ի ռազմավարական ծրագրերը, որոնց շրջանակում հատուկ ուշադրություն է դարձվելու հեռավոր համայնքներին՝ ապահովելով գերարագ և որակյալ կապ, ժամանակակից հեռահաղորդակցային լուծումներ։ Նրա խոսքով՝ Մեղրին այս ընտրության հիմքում է համայնքի ռազմավարական դիրքը, զարգանալու մեծ ներուժը և նախաձեռնողական ղեկավարումը։ Իր հերթին՝ համայնքի ղեկավարը երախտագիտություն է հայտնել «Յուքոմ» ընկերությանը և անձամբ պարոն Յիրիկյանին՝ նման ուշադրության և ներդրումային պատրաստակամության համար՝ ընդգծելով, որ համայնքը միշտ բաց է առաջադեմ ու զարգացում առաջացող նախաձեռնությունների համար։ Այս համագործակցությունն առանցքային նշանակություն ունի՝ Մեղրին վերածելով ոչ միայն սահմանապահ, այլև թվային առաջատար համայնքի։ |