Ղեկավարվելով «Տեղական ինքնակառավարման մասին» Հայաստանի Հանրապետության օրենքի 16-րդ հոդվածի 1-ին մասի 21-րդ, 26-րդ  կետերով, «Պետական ոչ առևտրային կազմակերպությունների մասին» Հայաստանի  Հանրապետության օրենքի 11-րդ հոդվածի 3-րդ կետով, մանկապարտեզի տեսակը կանոնադրությանը համապատասխանացնելու նպատակով, հիմք ընդունելով համայնքի ղեկավարի առաջարկությունը և  որոշման նախագծի  քվեարկության հետևյալ  արդյունքները` կողմ-9,  դեմ-0, ձեռնպահ-0,  Հայաստանի Հանրապետության Սյունիքի մարզի Մեղրի  համայնքի ավագանին

որոշում  է`

 1.Սյունիքի մարզի «Ագարակ քաղաքի թիվ 1 մ/մանկապարտեզ» համայնքային ոչ   առևտրային կազմակերպությունը վերանվանել  «Ագարակի մանկապարտեզ»  համայնքային ոչ   առևտրային կազմակերպություն: 

2.Հաստատել «Ագարակի մանկապարտեզ»  համայնքային ոչ   առևտրային կազմակերպության կանոնադրությունը  նոր խմբագրությամբ`  համաձայն հավելված 1-ի:

3.Հաստատել «Ագարակի մանկապարտեզ» համայնքային ոչ   առևտրային կազմակերպության  աշխատակիցների  թվաքանակը, հաստիքացուցակը  և  պաշտոնային դրույքաչափերը` համաձայն  հավելված 2-ի:  

4. Սույն որոշումն ուժի մեջ է մտնում  ընդունմանը հաջորդող օրվանից: