Դեկտեմբերի 19-ին, Մեղրիի համայնքապետարանի նիստերի դահլիճում տեղի ունեցավ 2025 թվականի բյուջեի նախագծի քննարկումը: Քննարկումը վարում էին Մեղրի համայնքի ղեկավար Խաչատուր Անդրեասյանը, համայնքի ղեկավարի առաջին տեղակալ Բագրատ Զաքարյանը։ Մասնակցում էին համայնքի ղեկավարության ներկայացուցիչները, համայնքի ՀՈԱԿ-ների (հիմնարկների և կազմակերպությունների) ղեկավարները, գնումների մասնագետները, հաշվապահները։ Հանդիպման նպատակն էր համատեղ ջանքերով վեր հանել առաջիկա տարվա առաջնահերթությունները, բյուջետային ռեսուրսների բաշխման արդյունավետ մեխանիզմներ մշակել և ապահովել համայնքի զարգացմանն ուղղված ֆինանսական ճիշտ պլանավորում։ Հատուկ ուշադրություն դարձվեց սոցիալական, կրթական, մշակութային և ենթակառուցվածքային ծրագրերի ապահովմանը։ Համայնքի ղեկավար Խ. Անդրեասյանը նշեց, որ 2025 թվականի բյուջեն պետք է դառնա Մեղրի համայնքի կայուն զարգացման և նորարարական ծրագրերի հիմքը: