Ղեկավարվելով «Տեղական ինքնակառավարման մասին» Հայաստանի Հանրապետության օրենքի 11-րդ հոդվածի 6-րդ մասով, «Իրավական ակտերի մասին» Հայաստանի Հանրապետության օրենքի 20-րդ հոդվածի 1-ին մասի դրույթներով, հիմք ընդունելով համայնքի ղեկավարի առաջարկությունը և որոշման նախագծի քվեարկության   հետևյալ արդյունքները`  կողմ-7, դեմ-0,  ձեռնպահ-0, Հայաստանի Հանրապետության Սյունիքի մարզի Մեղրի համայնքի ավագանին

որոշում է՝

1.Տալ համաձայնություն Հայաստանի տարածքային զարգացման հիմնադրամի սոցիալական ներդրումների և տարածքային զարգացման ծրագրին Մեղրի համայնքի կողմից  մասնակցության հայտ ներկայացնելու առաջարկությանը:

2.Ստեղծել նախաձեռնող խումբ՝ Հայաստանի տարածքային զարգացման հիմնադրամի սոցիալական ներդրումների և տարածքային զարգացման ծրագրին մասնակցության հայտ ներկայացնելու  նպատակով:

3.Հաստատել սույն որոշման 1-ին կետում  նշված ծրագրին մասնակցության հայտ ներկայացնող  նախաձեռնող  խմբի  անհատական  կազմը`  համաձայն  հավելվածի:

4. Հանձնարարել ՆԽ-ին`

1)Կազմել ծրագրային հայտ՝ ՀՏԶՀ-ի կողմից առաջարկված չափանիշներին համապատասխան,

2)Ծրագրի նախապատրաստման և մշակման ընթացքում մասնակից բնակավայրերի բնակչությանը տրամադրել մանրամասն տեղեկատվություն ընթացող աշխատանքների վերաբերյալ,

3)Ձեռնարկել միջոցներ՝ ծրագրի քննարկմանը և մշակմանը համայնքի բնակչության ներգրավվածությունն ապահովելու ուղղությամբ,

4)Բաղադրիչ ենթածրագրերն ուղղել Մեղրի համայնքի բնակավայրերի ընդհանուր սոցիալ-տնտեսական խնդիրների լուծմանը:

5.Լիազորել նախաձեռնող խմբի անդամներին` Մեղրի համայնքի կողմից սոցիալական ներդրումների և տարածքային զարգացման ծրագրի հայտը և առաջարկը ՀՏԶՀ-ին ներկայացնելու համար: