Հուլիսի 27-ին Մեղրի համայնքի ղեկավար Խաչատուր Անդրեասյանը՝ վարչական ղեկավար Դավիթ Օհանջանյանի ուղեկցությամբ, այցելել է Կուրիս և Գուդեմնիս գյուղեր՝ տեղում ծանոթանալու բնակավայրերում առկա խնդիրներին, լսելու բնակիչների մտահոգություններն ու առաջարկությունները։
Այցի նպատակն էր անմիջական շփում հաստատել համայնքի բնակիչների հետ, ճանաչել նրանց առօրյան ու կարիքները՝ շարունակական զարգացման և համատեղ լուծումների որոնման շրջանակում։
Բնակիչների կողմից բարձրաձայնվեցին մի շարք հարցեր՝ ճանապարհային վիճակից մինչև կենցաղային պայմանների բարելավում։
Խաչատուր Անդրեասյանը վերահաստատեց իր պատրաստակամությունը՝ հնարավորության սահմաններում արձագանքել յուրաքանչյուր խնդրի և քայլեր ձեռնարկել՝ բնակիչների կյանքն ավելի բարեկեցիկ դարձնելու ուղղությամբ։