Օգոստոսի 12-ին՝ Երիտասարդության միջազգային օրը, համայնքի ղեկավար Խաչատուր Անդրեասյանը համայնքապետարանի հարկի տակ հյուրընկալեց մի խումբ ակտիվ ու ստեղծագործ երիտասարդների՝ շնորհավորելով տոնական օրվա կապակցությամբ և կարևորելով նրանց դերը համայնքի զարգացման և նորարար գաղափարների իրականացման գործում։
Հանդիպումն անցավ անմիջական զրույցի, գաղափարների և փորձի փոխանակման մթնոլորտում․ երիտասարդները կիսվեցին իրենց գաղափարներով ու նախաձեռնություններով, իսկ համայնքի ղեկավարը՝ փորձով և դիտարկումներով։
Տոնը վերածվեց ոչ թե պարզապես օրացուցային ամսաթվի, այլ ապագան միասին կերտելու հնարավորության և համայնքի ու երիտասարդների միջև կապը ամրապնդող անկեղծ հանդիպման։