| Բովանդակություն * | Սեպտեմբերի 23-ին Մեղրիի Հենրիկ Իգիթյանի անվան Գեղագիտության ազգային կենտրոնում, Մեղրի համայնքի ղեկավար Խաչատուր Անդրեասյանի գլխավորությամբ, կայացավ հանդիպում-քննարկում համայնքի պատվարժան ավագ սերնդի ներկայացուցիչների, համայնքի վարչական ղեկավարների, ՊՈԱԿ-ների և ՀՈԱԿ-ների տնօրենների մասնակցությամբ։ Հանդիպման նպատակն էր քննարկել և առաջարկություններ ներկայացնել Ագարակ քաղաքի օրվան և Մեղրի քաղաքի օրվան նվիրված միջոցառումների կազմակերպման ձևաչափի վերաբերյալ։ Քննարկման ընթացքում հյուրերը ներկայացրին իրենց առաջարկներն ու դիտարկումները։ Համայնքի ղեկավարը լսեց բոլոր կարծիքները և հավաստիացրեց, որ միջոցառումները պատշաճ մակարդակով կազմակերպելու համար կձեռնարկվեն անհրաժեշտ բոլոր քայլերը։ Ամփոփելով հանդիպումը՝ համայնքի ղեկավարը շնորհակալություն հայտնեց ներկաներին՝ ընդգծելով նրանց մասնակցության և ներկայացված կարծիքների կարևորությունը համայնքային նախաձեռնությունների իրականացման գործընթացում։ Ներկաները իրենց հերթին շնորհակալություն հայտնեցին և նշեցին, որ իրենց հնարավորությունների սահմաններում պատրաստ են աջակցել միջոցառումների կազմակերպչական աշխատանքներին։ |