Այցի նպատակն էր տեղում ծանոթանալ Մեղրի համայնքի աշխարհաքաղաքական ու տնտեսական առանձնահատկություններին, ինչպես նաև լսել տեղական դիտարկումները տարածաշրջանում ընթացող զարգացումների վերաբերյալ։
Քննարկվեց նաև ճանապարհային ենթակառուցվածքների բարելավման անհրաժեշտությունը՝ դիտարկելով դրանք որպես խաղաղության, տնտեսական զարգացման և լայն համագործակցության խթան։
Ֆրանսիացի հյուրերը կարևորեցին լսվածի համապարփակ ներկայացումը միջազգային լսարանին՝ նշելով, որ Մեղրին տարածաշրջանային բարդ իրողությունների ֆոնին դարձել է դիտարկման արժանի եզակի տարածք՝ և՛ իր աշխարհաքաղաքական դիրքով, և՛ ներուժով։