ՆԱԽԱԳԻԾ

Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետով, ՀՀ կառավարության 2011 թվականի դեկտեմբերի 29-ի N 1920-Ն որոշմամբ, Քաղաքացիական օրենսգրքի 188-րդ հոդվածով, Հայաստանի Հանրապետության կառավարության 2006 թվականի մայիսի 18-ի թիվ 912-Ն որոշմամբ, հիմք ընդունելով «ՎԵՐՏԵՔՍ» սահմանափակ պատասխանատվությամբ ընկերության կողմից տրված հաշվառման (չափագրման) տվյալների մուտքագրման տեղեկանքը (ծածկագիր` 2023RWET7T) և հաշվի առնելով Սոս Գառնիկի Հայրապետյանի՝ համայնքի ղեկավարին հասցեագրած 2024 թվականի հոկտեմբերի 08-ի N 4590-Ք դիմումը՝

ՈՐՈՇՈՒՄ ԵՄ

1.Փոխել Հայաստանի Հանրապետության Սյունիքի մարզի Մեղրի համայնքի Մեղրի քաղաքի Բնակելի 1-ին թաղամաս 1/1 հասցեում գտնվող 0.05787 հա մակերեսով (կադաստրային ծածկագիր՝ 09-005-0073-0037) բնակավայրերի հողերի կատեգորիա, «այլ հողեր» գործառնական նշանակությունը՝ որպես «բնակելի կառուցապատման հողեր» գործառնական նշանակության:

2.Հայաստանի Հանրապետության Սյունիքի մարզի Մեղրի համայնքի Մեղրի քաղաքի Բնակելի 1-ին թաղամաս 1/1 հասցեում գտնվող՝ Սոս Գառնիկի Հայրապետյանին սեփականության իրավունքվ պատկանող 0.05787 հա բնակավայրերի նպատակային նշանակության, «բնակելի կառուցապատման հողեր» գործառնական նշանակության հողամասում (կադաստրային ծածկագիր՝ 09-005-0073-0037) ինքնակամ կառուցված 107.8 քմ ընդհանուր մակերեսով երկհարկանի շինությունը (այգետնակ և ծածկ), որի պահպանումը չի խախտում այլ անձանց իրավունքները, օրենքով պահպանվող շահերը և վտանգ չի սպառնում քաղաքացիների կյանքին և առողջությանը, կառուցված չէ ինժեներատրանսպորտային օբյեկտների օտարման կամ անվտանգության գոտիներում, չի առաջացնում հարկադիր սերվիտուտ պահանջելու իրավունք՝ ճանաչել օրինական:

3.Տեղեկացնել Սոս Գառնիկի Հայրապետյանին, որ ինքնակամ կառուցված 107.8 քմ ընդհանուր մակերեսով երկհարկանի շինության (այգետնակ և ծածկ) համար տեղական բյուջեի 900305083306 հաշվեհամարին պետք է վճարել 130 340 (մեկ հարյուր երեսուն հազար երեք հարյուր քառասուն) ՀՀ դրամ (10000 դրամ x 0.1209 x 107.8 քմ = 130 340 ՀՀ դրամ): Որոշման ընդունման օրվանից օրինականացման համար սահմանված վճարի 60-օրյա ժամկետում չվճարման դեպքում որոշումը համարվում է ուժը կորցրած:

4.Սույն որոշումից ծագող իրավունքը ենթակա է պետական գրանցման ՀՀ Կադաստրի կոմիտեի համապատասխան ստորաբաժանումում:

5․Սույն որոշումը կարող է վարչական կարգով բողոքարկվել Մեղրի համայնքի ղեկավարին՝ ուժի մեջ մտնելու օրվանից երկու ամսվա ընթացքում կամ դատական կարգով՝ Հայաստանի Հանրապետության վարչական դատարան՝ երկամսյա ժամկետում:

6.Սույն որոշման կատարման կազմակերպումն ու պատասխանատվությունը դնել Մեղրիի համայնքապետարանի աշխատակազմի քաղաքաշինության, հողօգտագործման, գյուղատնտեսության, գույքի կառավարման բաժնի պետի վրա:

7․Սույն որոշման կատարման վերահսկողությունը դնել Մեղրիի համայնքապետարանի աշխատակազմի քարտուղարի վրա: