Խորհրդակցության առանցքում համայնքի բնակիչներին վաղուց մտահոգող խմելու ջրի մատակարարման խնդիրն էր։
Վերջին ժամանակաշրջանում Մեղրիում արձանագրված ջրանջատումները, բնակիչների շարունակական ահազանգերը և համայնքի ղեկավարի խոր մտահոգությունն այս իրավիճակի վերաբերյալ, հստակորեն ի ցույց են դնում հարցի հրատապությունը։
Խաչատուր Անդրեասյանն իր խոսքում ընդգծեց, որ նման պայմաններում հնարավոր չէ ապահովել մարդկանց նորմալ կենցաղային պայմանները, իսկ խմելու ջրի բացակայությունը առաջին հերթին հարվածում է սոցիալական կայունությանը։
Հանդիպման ընթացքում քննարկվեցին խնդրի հնարավոր պատճառները, եղած տեխնիկական և կազմակերպչական խնդիրները, ինչպես նաև առաջ քաշվեցին մի շարք առաջարկներ՝ իրավիճակը կարգավորելու ուղղությամբ։
Կողմերը ընդհանուր հայտարարի եկան, որ ջրամատակարարման կայունությունը պետք է դառնա առաջնահերթություն, իսկ այդ ուղղությամբ աշխատանքները՝ համակարգված ու արագ արձագանքող։
Խորհրդակցության ավարտին համայնքի ղեկավարը վստահեցրեց, որ շարունակելու է հետևողական լինել այս հարցում՝ նպատակ ունենալով ապահովել բնակիչների համար անխափան և որակյալ ջրամատակարարում։
«Վեոլիա Ջուր» ՓԲԸ-ի ներկայացուցիչներն էլ իրենց հերթին պատրաստակամություն հայտնեցին գործել համայնքի հետ սերտ համագործակցությամբ։