Զեկ. ՄԽԻԹԱՐ ԶԱՔԱՐՅԱՆ

Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով, Հայաստանի Հանրապետության քաղաքացիական օրենսգրքի 188-րդ հոդվածով, Հայաստանի Հանրապետության հողային օրենսգրքի 66-րդ հոդվածի 1-ին մասի 4-րդ կետով, Հայաստանի Հանրապետության կառավարության 2006 թվականի մայիսի 18-ի N912-Ն որոշման դրույթներով, հիմք ընդունելով Գարիկ Սենիկի Ղարիբյանի կողմից ներկայացված դիմումը, գնման նախապատվության իրավունքով (ուղղակի վաճառք) օտարելու մասին համաձայնագիրը, համայնքի ղեկավարի առաջարկությունը՝ Մեղրի համայնքի ավագանին

                                                                    որոշում է՝

1.Հայաստանի Հանրապետության Սյունիքի մարզի Մեղրի համայնքի սեփականություն հանդիսացող, Ագարակ քաղաքի Իսահակյան փողոցի թիվ 26 հասցեում գտնվող 146,95 քմ մակերեսով բնակելի տունը, 15,65 քմ գոմը և նրա համար սահմանված կարգով առանձնացված բնակավայրերի նպատակային նշանակության բնակելի կառուցապատման գործառնական նշանակության 0,07 հա մակերեսով հողամասը (կադաստրային ծածկագիր՝ 09-002-0034-0005, անշարժ գույքի նկատմամբ իրավունքների պետական գրանցման N25092020-09-0033 վկայական) գնման նախապատվության իրավունքով (ուղղակի վաճառք), օրենքով սահմանված կարգով օտարել Գարիկ Սենիկի Ղարիբյանին՝ Հայաստանի Հանրապետության կառավարության 18.05.2006 թվականի N912-Ն որոշմամբ հաստատված կարգի 35-րդ կետի ա) և ե) ենթակետերով սահմանված գներով.

1)բնակելի տան համար 30 000 դրամ x 0,069 x 146,95 քմ = 304 187 /երեք հարյուր չորս հազար մեկ հարյուր ութսունյոթ / ՀՀ դրամ.

2)գոմի համար 30 000 դրամ x 0,069 x 15,65 քմ = 32 396 /երեսուներկու հազար երեք հարյուր իննսունվեց / ՀՀ դրամ.

3)պահպանման և սպասարկման համար ամրակայած հողատարածքի համար 342 դրամ x 700քմ = 239 400 /երկու հարյուր երեսունինը հազար չորս հարյուր / ՀՀ դրամ.

4) համաձայն Հայաստանի Հանրապետության կառավարության 18.05.2006 թվականի N912-Ն որոշմամբ հաստատված կարգի 35.1 կետի վերը նշված չափերով ձևավորված վաճառքի գնին (վարձավճարին) հավելվում են տվյալ միավորի նկատմամբ մինչև օտարումը պետության կամ համայնքի անվամբ գույքային իրավունքների պետական գրանցման համար իրականացված վճարները` 23 000 (քսաներեք հազար) ՀՀ դրամ (վճարման անդորրագրերի հիման վրա):

2.Համայնքի ղեկավարին` ապահովել սույն որոշումից բխող անհրաժեշտ գործառույթների իրականացումը: