Զեկ. ՄԽԻԹԱՐ ԶԱՔԱՐՅԱՆ

Ղեկավարվելով «Նորմատիվ իրավական ակտերի մասին» օրենքի 37-րդ հոդվածի 1-ին մասով, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով, Հայաստանի Հանրապետության քաղաքացիական օրենսգրքի 594-596-րդ հոդվածներով, հիմք ընդունելով համայնքի ղեկավարի առաջարկությունը և որոշման նախագծի քվեարկության հետևյալ արդյունքները՝ կողմ- , դեմ- , ձեռնպահ- , Հայաստանի Հանրապետության Սյունիքի մարզի Մեղրի համայնքի ավագանին

                                      որոշում է՝

1.Հայաստանի Հանրապետության Սյունիքի մարզի Մեղրի համայնքի սեփականություն հանդիսացող, Նռնաձոր գյուղի 1-ին փողոցի 3-րդ փակուղու թիվ 19 հասցեում գտնվող 185.8 քմ ներքին մակերեսով բնակելի տունը, 30,8 քմ մակերեսով ծածկը և պահպանման ու սպասարկման համար առանձնացված 0,20424 հա հողամասը /վկայական 08082018-09-0027/ անհատույց (նվիրատվության կարգով) օտարել բնակելի տան մշտական բնակիչ Վահրամ Գևորգյանին, որպես նրա սեփականություն:

2.Հայաստանի Հանրապետության Սյունիքի մարզի Մեղրի համայնքի սեփականություն հանդիսացող, Նռնաձոր գյուղի 1-ին փողոցի 1-ին փակուղու թիվ 9 հասցեում գտնվող 103.4 քմ ներքին մակերեսով բնակելի տունը և պահպանման ու սպասարկման համար առանձնացված 0,06273 հա հողամասը /վկայական 08082014-09-0026/ անհատույց (նվիրատվության կարգով) օտարել բնակելի տան մշտական բնակիչ Ալբինա Հարությունյանին, որպես նրա սեփականություն:

3.Հայաստանի Հանրապետության Սյունիքի մարզի Մեղրի համայնքի սեփականություն հանդիսացող Նռնաձոր բնակավայրի 1-ին փողոցի 2-րդ փակուղի թիվ 1 հասցեում գտնվող գույքը՝ 1107 քմ հողամասի վրա ամրակայված 127.2 բնակելի տունը և 30 քմ գոմը /վկայական 20112014-09-0025/ անհատույց (նվիրատվության կարգով) օտարել բնակելի տան մշտական բնակիչ Ասյա Մաքունցին, որպես նրա սեփականություն:

4.Ուժը կորցրած ճանաչել Հայաստանի Հանրապետության Սյունիքի մարզի Մեղրի համայնքի ավագանու 2018 թվականի հուլիսի 2-ի թիվ 56 որոշումը:

5. Համայնքի ղեկավարին՝ ձեռնարկել սույն որոշումից բխող անհրաժեշտ գործառույթների իրականացումը: