Ղեկավարվելով Հայաստանի Հանրապետության «Տեղական ինքնակառավարման մասին» օրենքի 16-րդ հոդվածի 2-րդ պարբերությամբ, «Հողի հարկի մասին» Հայաստանի Հանրապետության օրենքի 10-րդ հոդվածով, «Գույքահարկի մասին» Հայաստանի Հանրապետության օրենքի 15-րդ հոդվածի 3-րդ կետով, Հայաստանի Հանրապետության կառավարության 22.06.2012թ. N822-Ն որոշմամբ, հաշվի առնելով, որ Մեղրի քաղաքի Զ. Անդրանիկի 7 հասցեում գտնվող շենքը 2015 թվականի հունիսի 13-ին հրդեհվելուց հետո բնակիչները տարահանվել և անհատույց բնակվում են Արմեն Կառլենի Միրզոյանին սեփականության իրավունքով պատկանող հյուրանոցի շենքում, հիմք ընդունելով համայնքի ղեկավարի առաջարկությունը և որոշման նախագծի քվեարկության հետևյալ արդյունքները` կողմ-, դեմ-, ձեռնպահ-, Հայաստանի Հանրապետության Սյունիքի մարզի Մեղրի համայնքի ավագանին
որոշում է` ՀՀ Երևան քաղաքի բնակիչ Արմեն Կառլենի Միրզոյանին ք. Մեղրի Զ. Անդրանիկի 5 հասցեում գտնվող, սեփականության իրավունքով իրեն պատկանող գույքի /հասարակական նշանակության շինություն` ծածկագիր` 09-005-064-001-002 և հողամաս` ծածկագիր` 09-005-064-001/ համար տրամադրել գույքահարկի և հողի հարկի արտոնություն՝ 157987 ՀՀ դրամ ընդհանուր գումարի չափով, ազատելով 2016 թվականի դեկտեմբերի 26-ի դրությամբ առկա գույքահարկի ընթացիկ տարվա ապառքի` 144139 ՀՀ դրամ, տույժի` 5837 ՀՀ դրամ, հողի հարկի ապառքի` 7052 ՀՀ դրամ, տույժի` 952 ՀՀ դրամ վճարումից: |