Ղեկավարվելով «Տեղական ինքնակառավարման մասին» Հայաստանի ՀանրապետությաՆ օրենքի 18-րդ հոդվածի 1-ին մասի 42-րդ կետով, «Տեղական տուրքերի և վճարների մասին» Հայաստանի Հանրապետության օրենքի 16-րդ հոդվածի 1-ին մասով և հիմք ընդունելով Հայաստանի Հանրապետության Սյունիքի մարզի Մեղրի համայնքի ղեկավարի առաջարկությունը՝ Մեղրի համայնքի ավագանին

ՈՐՈՇՈՒՄ Է

1․Հայաստանի Հանրապետության Սյունիքի մարզի Մեղրիի համայնքապետարանի ենթակայության համայնքային ոչ առևտրային կազմակերպությունների կողմից մատուցվող ծառայությունների դիմաց սահմանել վարձավճարների արտոնություններ՝ հետևյալ կարգավիճակ ունեցող ընտանիքների երեխաներին․

1)100 % արտոնությունից օգտվելու իրավունք ունեն՝

ա․երկկողմանի կամ միակողմանի ծնողազուրկ երեխաները (ներառյալ զոհված (մահացած) զինծառայողների երեխաները).

բ․հաշմանդամություն ունեցող երեխաները.

գ․խնամակալության հանձնված երեխաները.

դ․միևնույն ընտանիքից 2 (երկու) և ավել երեխայի նույն հաստատությունը հաճախելու դեպքում զեղչել մեկ երեխայի վարձավճարը, եթե ընտանիքը ներառված է ընտանեկան և սոցիալական նպաստների պետական ծրագրում.

ե․2023 թվականի սեպտեմբերի 19-ից հետո Լեռնային Ղարաբաղի Հանրապետությունից բռնի տեղահանված և Հայաստանի Հանրապետության Սյունիքի մարզի Մեղրի համայնքում վերաբնակեցված ընտանիքների երեխաները.

2)50 % արտոնությունից օգտվելու իրավունք ունեն՝

ա․1-ին և 2-րդ հաշմանդամության խումբ ունեցող ծնողների երեխաները.

բ․բազմազավակ (4 և ավել երեխա ունեցող) ընտանիքի երեխաները, եթե ընտանիքը ընդգրկված չէ պետական նպաստ համակարգում։

2․Արտոնությունների սահմանման պատասխանատվությունը դնել տվյալ հաստատության տնօրենի վրա։

3․Սույն որոշումն ուժի մեջ է մտնում 2025 թվականի հունվարի 1-ից։