Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով, Հայաստանի Հանրապետության քաղաքացիական օրենսգրքի 188-րդ հոդվածով, Հայաստանի Հանրապետության հողային օրենսգրքի 66-րդ հոդվածի 1-ին մասի 4-րդ կետով, Հայաստանի Հանրապետության կառավարության 2006 թվականի մայիսի 18-ի N912-Ն որոշման դրույթներով, հիմք ընդունելով Սերգեյ Համլետի Պետրոսյանի կողմից ներկայացված դիմումը, գնման նախապատվության իրավունքով (ուղղակի վաճառք) օտարելու մասին համաձայնագիրը, համայնքի ղեկավարի առաջարկությունը՝ Մեղրի համայնքի ավագանին

                                                                  որոշում է՝

1.Հայաստանի Հանրապետության Սյունիքի մարզի Մեղրի համայնքի սեփականություն հանդիսացող, Ագարակ քաղաքի Սայաթ-Նովա փողոցի թիվ 21/1 հասցեում գտնվող 31,85 քառ.մ մակերեսով ավտոտնակը, 30,08ք.մ. այգետնակը և նրանց համար սահմանված կարգով առանձնացված բնակավայրերի նպատակային նշանակության բնակելի կառուցապատման գործառնական նշանակության 0,11312հա մակերեսով հողամասը (կադաստրային ծածկագիր՝ 09-002-0079-0046, անշարժ գույքի նկատմամբ իրավունքների պետական գրանցման 23.12.2019թ. N23122019-09-0043 վկայական)  գնման նախապատվության իրավունքով (ուղղակի վաճառք), օրենքով սահմանված կարգով օտարել Սերգեյ Համլետի Պետրոսյանին՝ Հայաստանի Հանրապետության կառավարության 18.05.2006 թվականի N912-Ն որոշման 35-րդ կետի ա), դ) և ե) ենթակետներով  սահմանված  գներով.

1)այգետնակի համար 30 000 դրամ x 0,069 x 30,08քմ =62 266 (վաթսուներկու հազար երկու հարյուր վաթսունվեց) ՀՀ դրամ.

2)ավտոտնակի համար 10000 դրամ x 0,069 x 31,85 քմ = 21 977(քսանմեկ հազար ինը հարյուր յոթանասունյոթ) ՀՀ դրամ.

3)հողամասի համար՝ 342 դրամ x 1000 քմ = 342 000 (երեք հարյուր քառասուներկու հազար) ՀՀ դրամ.

4)ինքնակամ կառույցով զբաղեցված տարածքի առավելագույն մակերեսի չափից ավելի հողամասի համար կադաստրային արժեքի եռապատիկի չափով՝ 1026 դրամ x 131,2քմ = 134 611 (հարյուր երեսունչորս հազար վեց հարյուր տասնմեկ) ՀՀ դրամ.

5)համաձայն 35.1 կետի վերը նշված չափերով ձևավորված վաճառքի գնին (վարձավճարին) հավելվում են տվյալ միավորի նկատմամբ մինչև օտարումը պետության կամ համայնքի անվամբ գույքային իրավունքների պետական գրանցման համար իրականացված վճարները` 23 000 (քսաներեք հազար) ՀՀ դրամ (վճարման անդորագրերի հիման վրա):

2.Համայնքի ղեկավարին` ապահովել սույն որոշումից բխող անհրաժեշտ գործառույթների իրականացումը: