Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 42-րդ կետով, Հայաստանի Հանրապետության հողային օրենսգրքի 13-րդ հոդվածի 6-րդ մասով, «Պետական և համայնքային սեփականություն հանդիսացող հողամասերի օտարման, կառուցապատման իրավունքի և օգտագործման տրամադրման կարգը հաստատելու մասին» N286 որոշմամբ հաստատված կարգի 44-րդ կետի ը) ենթակետով, համաձայն Հայաստանի Հանրապետության կառավարության 2010 թվականի հունվարի 14-ի N16-Ն որոշման, Հայաստանի Հանրապետության էներգետիկայի և բնական պաշարների նախարարության կողմից  2012 թվականի նոյեմբերի 6-ին տրված օգտակար հանածոյի արդյունահանման  ՇԱԹՎ-29/188 թույլտվության, հիմք ընդունելով համայնքի ղեկավարի առաջարկությունը և որոշման նախագծի քվեարկության հետևյալ արդյունքները`  կողմ-11,  դեմ-0, ձեռնպահ-0, Հայաստանի Հանրապետության  Սյունիքի մարզՄեղրի  համայնքի ավագանին 

որոշում   է՝

1.Տալ համաձայնություն Հայաստանի Հանրապետության Սյունիքի մարզի Մեղրի համայնքի վարչական սահմաններում գտնվող, պետական սեփականություն հանդիսացող, արդյունաբերության, ընդերքօգտագործման    և այլ արտադրական նշանակության օբյեկտների հողերի կատեգորիա՝ «ընդերքի օգտագործման համար տրամադրված հողամասեր» գործառնական նշանակության 3,47385 հա հողամասը  օգտակար հանածոների արդյունահանման նպատակով, առանց մրցույթի կառուցապատման իրավունքով, 10 տարի ժամկետով տրամադրել «Սոս-Սաքո» սահմանափակ պատասխանատվությամբ ընկերությանը` սահմանելով տարեկան 431 452 (չորս հարյուր երեսունմեկ հազար չորս հարյուր հիսուներկու) ՀՀ  դրամ  վարձավճար:

2.Համայնքի ղեկավարին` համապատասխան եզրակացություն  ստանալու     համար օրենսդրությամբ սահմանված կարգով  կազմել  հողաշինարարական գործ  և  ներկայացնել  ՀՀ  Սյունիքի  մարզպետին: