Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 25-րդ և 42-րդ կետերով, Հայաստանի Հանրապետության կառավարության 2018 թվականի հուլիսի 19-ի N893-Լ որոշմամբ և հիմք ընդունելով համայնքի ղեկավարի առաջարկությունը՝ Մեղրի համայնքի ավագանին

ՈՐՈՇՈՒՄ Է

1.Համաձայնություն տալ Հայաստանի Հանրապետությունում ագրոպարենային ոլորտի սարքավորումների լիզինգի աջակցության ծրագրի շրջանակներում ֆինանսական վարձակալությամբ շարժական մոդուլային սպանդանոց ձեռք բերելու հայտ ներկայացնելու առաջարկությանը:

2.Ստացված գնային առաջարկի համաձայն լիզինգի առարկայի արժեքը կազմում է 19 500 000 (տասնինը միլիոն հինգ հարյուր հազար) ՀՀ դրամ:

3.Լիզինգառուն վճարում է լիզինգի առարկայի արժեքի 20 տոկոսի չափով կանխավճար. կանխավճարի գումարը կազմում է 3 900 000 (երեք միլիոն ինը հարյուր հազար) ՀՀ դրամ, կանխավճարի 80 տոկոսը սուբսիդավորվում Է:

4.2025-2030 թվականների ընթացքում յուրաքանչյուր տարվա համար Հայաստանի Հանրապետության Սյունիքի մարզի Մեղրի համայնքի բյուջեում նախատեսել առնվազն լիզինգի գծով վարձավճարների չափով ծախսային համապատասխան հոդված՝ պահպանելով «Բյուջետային համակարգի մասին» օրենքի 30-րդ հոդվածի 2-րդ մասի պահանջները։

5.Լիզինգի վարձավճարների վճարումները նախատեսել յուրաքանչյուր տարի ապրիլ-դեկտեմբեր ամիսներին։

6.Լիզինգի պայմանագիրը կնքվում է մինչև 5 տարի ներառյալ մարման ժամկետով:

7.Սույն որոշումն ուժի մեջ է պաշտոնական հրապարակմանը հաջորդող օրվանից: