Հարցի քննարկման համար հիմք է հանդիսացել Արմեն Ռուբիկի Պողոսյանի (ծնված՝ 15.04.1968թ.) դիմումը։ Տեղագրական հանույթի ճշգրտումից պարզվել է, որ Մեղրի համայնքի Մեղրի քաղաքում գտնվող բնակելի տան հողամասի փաստացի մակերեսը կազմում է 0.07 հա: Բնակելի տունը կառուցվել է 1990 թվականին, տան զբաղեցրած և դրա համար անհրաժեշտ հողամասը համապատասխանում է Հայաստանի Հանրապետության հողային օրենսգրքի 64-րդ հոդվածի 2-րդ մասի 1-ին, 2-րդ, 3-րդ կետերով սահմանված պահանջներին, չի գտնվում Հայաստանի Հանրապետության հողային օրենգրքի 60-րդ հոդվածով սահմանված հողամասերի, այդ թվում՝ ինժեներատրանսպորտային օբյեկտների օտարման գոտիներում, չի հակասում քաղաքաշինական նորմերին և չի առաջացնում սերվիտուտ պահանջելու իրավունք: Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետով, «Իրավունքը հաստատող փաստաթղթերը չպահպանված անհատական բնակելի տների կարգավիճակի մասին» օրենքի դրույթներով և Հայաստանի Հանրապետության կառավարության 2008 թվականի նոյեմբերի 13-ի N1328-Ն որոշմամբ՝

ՈՐՈՇՈՒՄ ԵՄ

1.Վերականգնել Արմեն Ռուբիկի Պողոսյանի սեփականության իրավունքը՝ ՀՀ Սյունիքի մարզի Մեղրի համայնքի Մեղրի քաղաքի Գործարանային փողոցում գտնվող, բնակելի տան պահպանման ու սպասարկման համար անհրաժեշտ 0.04 հա մակերեսով հողամասի (կադաստրային ծածկագիր՝ 09-005-0083-0020) նկատմամբ։

2.Վերականգնել Արմեն Ռուբիկի Պողոսյանի սեփականության իրավունքը՝ ՀՀ Սյունիքի մարզի Մեղրի համայնքի Մեղրի քաղաքի Գործարանային փողոցում գտնվող, օրինական 0.04 հա մակերեսով հողամասին կից ավել օգտագործվող 0.03 հա մակերեսով հողամասի նկատմամբ:

3.Հայաստանի Հանրապետության Սյունիքի մարզի Մեղրի համայնքի Մեղրի քաղաքի Գործարանային փողոցում գտնվող 0.07 հա հողամասին և նրա վրա ամրակայված շինությանը տրամադրել «Սյունիքի մարզ, Մեղրի համայնք, Մեղրի քաղաք, Գործարանային փողոց, 27/1» հասցե /կադաստրի կոմիտեի կողմից հաստատված հայտի քաղվածքի ծածկագիր՝ 09999VXQD7NP/:

4.Հողամասի սահմանները որոշվում են համայնքի ղեկավարի կողմից հաստատված հատակագծով:

5.Սույն որոշումից ծագող իրավունքը ենթակա է պետական գրանցման ՀՀ Կադաստրի կոմիտեի համապատասխան ստորաբաժանումում: