Ղեկավարվելով «Տեղական ինքնակառավարման մասին» օրենքի 43-րդ հոդվածի երկրորդ մասի 2-րդ կետով, Հայաստանի Հանրապետության հողային օրենսգրքի 75-րդ հոդվածի 1-ին մասի 1-ին կետով, հիմք ընդունելով Հայաստանի Հանրապետության առողջապահության նախարարի 17.01.2025թ. NԱԱ//1006-2025 գրությունը՝

ՈՐՈՇՈՒՄ ԵՄ

1.Մեղրի համայնքի վարչական սահմաններում գտնվող, «Սյունիքի մարզ,  Մեղրի համայնք, Մեղրի քաղաք, Գործարարների փողոց 84 հողամաս» հասցեում գտնվող Հայաստանի Հանրապետության սեփականություն հանդիսացող 0,04263 հեկտար հողամասը (ԳՎ 01082024-09-0037, կադաստրային ծածկագիր՝ 09-005-0756-0127) դատաբժշկական ծառայության շենքի կառուցման նպատակով, անհատույց (մշտական) օգտագործման իրավունքով հատկացնել Հայաստանի Հանրապետության առողջապահության նախարարության «Դատաբժշկական գիտագործնական կենտրոն» պետական ոչ առևտրային կազմակերպությանը:

2.Աշխատակազմի քարտուղարին՝ սույն որոշումն ուժի մեջ մտնելուց հետո մեկամսյա ժամկետում Հայաստանի Հանրապետության առողջապահության նախարարության «Դատաբժշկական գիտագործնական կենտրոն» պետական ոչ առևտրային կազմակերպության հետ համատեղ ապահովել սույն որոշման 1-ին կետում նշված գույքի հանձնման-ընդունման աշխատանքների կատարումը և անհատույց (մշտական) օգտագործման պայմանագրի կնքումը՝ դրանում նախատեսելով, որ անհատույց (մշտական) օգտագործման պայմանագրի նոտարական վավերացման և գույքային իրավունքների պետական գրանցման աշխատանքները ենթակա են իրականացման Հայաստանի Հանրապետության առողջապահության նախարարության «Դատաբժշկական գիտագործնական կենտրոն» պետական ոչ առևտրային կազմակերպության միջոցների հաշվին: