Ղեկավարվելով «Իրավական ակտերի մասին» Հայաստանի Հանրապետության 70-րդ հոդվածի 2-րդ, 3-րդ և 5-րդ մասերով, «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 4-րդ կետով, 82-րդ հոդվածի 8-րդ և 10-րդ հոդվածի 10-րդ մասերով, հիմք ընդունելով համայնքի ղեկավարի առաջարկությունը, որոշման նախագծի քվեարկության հետևյալ արդյունքները՝ կողմ-11, դեմ-0, ձեռնպահ-0, Հայաստանի Հանրապետության Սյունիքի մարզի Մեղրի համայնքի ավագանին

                                                                     որոշում է՝

1.Հայաստանի Հանրապետության Սյունիքի մարզի Մեղրի համայնքի ավագանու 20 դեկտեմբերի 2016 թվականի «Հայաստանի Հանրապետության Սյունիքի մարզի Մեղրի համայնքի 2017-2021 թվականների հնգամյա զարգացման ծրագիրը հաստատելու մասին» թիվ 51-Ն որոշման հավելվածում կատարել հետևյալ փոփոխությունները և լրացումները.

1) Ճանապարհային ենթակառուցվածքների պահպանման նպատակով ավելացնել «Վանք-Կալեր կամուրջի վերակառուցում» ծրագիրը:

2) Համայնքում կանաչ տարածքների ընդլայնման նպատակով ավելացնել «Ագարակ քաղաքում զբոսայգու հիմնում» ծրագիրը:

3)Նախադպրոցական կրթության արդյունավետ կազմակերպման նպատակով.

ա.«Կարճևան գյուղի մանկապարտեզի վերանորոգում» ծրագիրը փոխարինել «Կարճևան գյուղում մանկապարտեզի կառուցում» ծրագրով:

բ.«Լեհվազ գյուղի մանկապարտեզի վերանորոգում» ծրագիրը փոխարինել «Լեհվազ գյուղում մանկապարտեզի  կառուցում» ծրագրով:

4) Մեղրի համայնքում հանրակրթության կազմակերպման աջակցումը սահմանել որպես համայնքի կամավոր խնդիր և այս ուղղությամբ ավելացնել «Ջեռուցման համակարգի անցկացում Լեհվազ գյուղի դպրոցում» ծրագիրը:

2. Հաստատել Սյունիքի մարզի Մեղրի համայնքի 2017-2021 թվականների սոցիալ-տնտեսական զարգացման հնգամյա ծրագրի լրացումներով և փոփոխություններով տարբերակը՝ համաձայն հավելվածի:

3.Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը: