Ղեկավարվելով <<Տեղական ինքնակառավարման մասին>> օրենքի 18-րդ հոդվածի 1-ին մասի 21-րդ և 29-րդ կետերով, ՀՀ հողային օրենսգրքի 3-րդ և 63-րդ հոդվածների դրույթներով, համաձայն Հայաստանի Հանրապետության կառավարության 2011 թվականի դեկտեմբերի 29-ի N 1920-Ն որոշման և հաշվի առնելով ՀՀ վարչապետի 2009 թվականի դեկտեմբերի 22-ի N 1064-Ա որոշմամբ ստեղծված ՀՀ համայնքների քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի 2021 թվականի ապրիլի 29-ի N 2/փ-138 դրական եզրակացություւնն ու համայնքի ղեկավարի առաջարկությունը, Մեղրի համայնքի ավագանին

որոշում է՝

1.Հայաստանի Հանրապետության Սյունիքի մարզի Մեղրի համայնքի Կարճևան, Շվանիձոր և Նռնաձոր բնակավայրերի համակցված տարածական պլանավորման փաստաթղթերում կատարել փոփոխություններ, և համաձայն 1, 2, 3, 4 հավելվածների, որպես առաջնահերթ միջոցառում՝ հատուկ նշանակության հողերի կատեգորիա փոխադրել.

1)համայնքային սեփականություն հանդիսացող գյուղատնտեսական նշանակության հողերից 1.03 հեկտար մակերեսով հողամասը՝ որից 1.0 հեկտարը այլ հողատեսք /կադաստրային ծածակագիր՝ 09-051-0401-0001-ից/, 0.03 հեկտարը՝ վարելահող (կադաստրային ծածկագիր՝ 09-074-0445-0053-ից).

2)պետական սեփականություն հանդիսացող էներգետիկայի, կապի, տրանսպորտի և կոմունալ ենթակառուցվածքների օբյեկտների հողերից 0,08722 հեկտար <<տրանսպորտի օբյեկտների հողեր>> /կադաստրային ծածակագրեր՝ 09-051-0505-0001-ից, 09-066-0368-0001-ից/:

2.Սույն որոշման 1-ին կետի 1-ին ենթակետով հատուկ նշանակության հողերի կատեգորիա փոխադրված 1,03 հեկտար մակերեսով հողամասերը, պաշտպանական նպատակներով օգտագործելու համար, անհատույց սեփականության իրավունքով (նվիրատվության) օտարել Հայաստանի Հանրապետությանը:

3.Համայնքի ղեկավարին` ՀՀ օրենսդրությամբ սահմանված կարգով և ժամկետներում ձեռնարկել սույն որոշումից բխող գործառույթների իրականացումը: