2002 թվականի մայիսի 7-ին ընդունված «Բազմաբնակարան շենքի կառավարման մասին» ՀՀ օրենքի համաձայն, ինչպես նաև Հայաստանի Հանրապետության պետական բյուջեից նպատակային հատկացում՝ սուբվենցիա ստանալու նպատակով 2024 թվականի բյուջետային ֆինանսավորման ծրագրային հայտերը ներկայացնելու համար, բազմաբնակարան շենքերի բաժնային սեփականության կառավարման մարմինների ստեղծման անհրաժեշտությունից ելնելով
• 2023 թվականի սեպտեմբերի 14-ին` ժամը 18:30-ին, Մեղրի համայնքի Մեղրի քաղաքի Փարամազի փողոցի 15, 17, 19, 32, 36, 42 բազմաբնակարան շենքերի բնակիչների հետ կկայանա հանդիպում Փարամազի 32 շենքի հարակից խաղահրապարակում։
• Ադելյան փողոցի 15ա, 15բ բազմաբնակարան շենքերի բնակիչների հետ հանդիպումը տեղի կունենա սեպտեմբերի 15-ին` ժամը 18:30-ին /15ա, 15բ շենքերի բակում/:
Օրակարգում`
1. Բազմաբնակարան շենքերի բաժնային սեփականության կառավարման մարմինների ստեղծումը անհրաժեշտ է «Բազմաբնակարան շենքերի տանիքների վերանորոգում Մեղրի քաղաքում» և «Բազմահարկ շենքերի վերելակների փոխարինում Մեղրի համայնքում» սուբվենցիոն հայտերում «Ծրագրի ընդհանուր բյուջեն» կետում նախատեսված գումարները հիմնավորելու համար (բացի Մեղրի համայնքի կողմից ներդրվող մասնաբաժնից, ՀՀ կառավարության 2006թ. նոյեմբերի 16-ի N 1708-Ն որոշման հավելված 2-ի 24.4 կետի համաձայն` անհրաժեշտ է ներկայացնել բազմաբնակարան շենքերի բնակիչների համաֆինանսավորման 10%-ը):
2. Բազմաբնակարան շենքի կառավարման մասին ՀՀ օրենքի կարգավորման` բազմաբնակարան շենքերի ընդհանուր բաժնային սեփականություն հանդիսացող գույքի կառավարման հարաբերությունների և բազմաբնակարան շենքի շինությունների սեփականատերերի ընդհանուր բաժնային սեփականության կառավարման կարգը սահմանելու, կառավարման ձևերի, շենքի կառավարման մարմինների իրավասությունների, դրանց կազմավորման, գործունեության, գործունեության դադարման կարգի մասին քննարկում: