Մեղրի համայնքի հարգելի՛ բնակիչներ, տեղեկացնում ենք Ձեզ, որ վերջին ժամանակահատվածում խիստ անհանգստացնող է դարձել կենդանիների կողմից մարդկանց կծվելու և ախտորոշված կատաղության դեպքերի աճը։
Հիվանդությունը հիմնականում արձանագրվում է թափառող կենդանիների և չպատվաստված տնային կենդանիների մոտ։
Ելնելով իրավիճակից և հաշվի առնելով այն, որ վայրի, թափառող և ընտանի կենդանիները կատաղության հիվանդության տարածողներն են, համաձայն գյուղատնտեսական կենդանիների կատաղություն հիվանդության դեմ պայքարի և կանխարգելման գործող հրահանգի անհրաժեշտ է իրականացնել՝
Պայմանական առողջ թափառող շների և կատուների իմունականխարգելիչ պատվաստում կատաղության հիվանդանության դեմ՝ համաձայն պատվաստանյութի օգտագործման հրահանգի,
Կատաղություն հիվանդության վերաբերյալ հանրային իրազեկում,
Կանոնակարգել ընտանի կենդանիների՝ շների և կատուների կատաղություն հիվանդության դեմ պատվաստման պարտադիր պահանջը։
Խնդրում ենք ձեր կողմից իրականացված աշխատանքների և արդյունքների վերաբերյալ տեղեկացնել Մեղրիի համայնքապետարան։