Մեղրի համայնքի սիրելի՛ երիտասարդներ,
Ուրախ ենք տեղեկացնել, որ երրորդ տարին անընդմեջ ՅՈՒՆԻՍԵՖ-ը (UNICEF Armenia - Յունիսեֆ Հայաստան), «Game Changers Coalition»-ը և «Ձեռնարկությունների ինկուբատոր» հիմնադրամը (ՁԻՀ) (Enterprise Incubator Foundation (EIF))՝ ՁԻՀ-ի Գյումրու և Վանաձորի տեխնոլոգիական (VTC - Vanadzor Technology Center by EIF) կենտրոնների և Սյունիքում՝ «Sisian Co-creation lab»-ի (Sisian Co-creation Lab by EIF) ու «Agarak Co-creation lab»-ի հետ համագործակցությամբ, հայտարարում են խաղային և մուլտիմեդիա տեխնոլոգիաների ոլորտի «Gamechangers» անվճար կրթական ծրագիր. այս տարի` «Gamechangers։ Earth Mode» խորագրի ներքո։
Ծրագիրը ֆինանսավորվում է «Ավստրիայի Զարգացման Գործակալության» (ADA) (Austrian Development Agency) կողմից՝ «Ավստրիայի Զարգացման Համագործակցության» միջոցներով։
Ծրագիրը նախատեսված է Հայաստանում՝ հատկապես Շիրակի, Լոռու, Սյունիքի, Գեղարքունիքի, Կոտայքի, Արմավիրի, Արարատի մարզերում բնակվող 12-24 տարեկան երիտասարդների համար, սակայն այն չի բացառում նաև այլ մարզերի և բնակավայրերի համապատասխան տարիքային խմբի երիտասարդների մասնակցությունը։
«Gamechangers։ Earth Mode» նոր կրթական ծրագիրը ներառում է երկու զուգահեռ ուսուցման խումբ (մասնակիցները կարող են ընտրել իրենց նախընտրած ուղղությունը)՝ խաղերի ստեղծում և մուլտիմեդիա տեխնոլոգիաներ, վերջինս ենթադրում է անիմացիոն հոլովակների, 2D/3D կերպարների և վիդեոբովանդակության (վլոգերի կամ կարճ հոլովակների) ստեղծում։ Ըստ խմբի ընտրության՝ մասնակիցները կստեղծեն և կներկայացնեն թեմատիկ անհատական կամ խմբային ավարտական նախագծեր՝ ներառելով դրանք իրենց պորտֆոլիոյում
Բացի այդ, ծրագիրը ներառում է տեխնոլոգիական ոլորտի ներածության, փափուկ հմտությունների, շրջակա միջավայրի հիմնախնդիրների և դրանց լուծման վերաբերյալ ուսումնական մոդուլներ, որոնք նախատեսված են երկու խմբերի մասնակիցների համար։
Ծրագրի մանրամասներ․
Տևողությունը՝ 5 ամիս
Մասնակցությունն՝ անվճար
Ձևաչափը՝ հիբրիդային (Շիրակի, Լոռու և Սյունիքի մարզերում բնակվող երիտասարդների համար՝ լսարանային, այլ մարզերից մասնակցող երիտասարդների համար՝ առցանց)
Հարցերի կամ հավելյալ տեղեկատվության համար կարող եք զանգահարել 055 135558 հեռախոսահամարով: