ՈՒՇԱԴՐՈՒԹՅՈՒՆ․ Հարգելի՛ համաքաղաքացիներ, Տեղեկացնում ենք, որ օգոստոսի 28-ին՝ ժամը 18:00-ի սահմաններում, Երևան-Ագարակ M2 մայրուղու Լիճք հատվածում ճանապարհաշինարարական աշխատանքներով պայմանավորված տեղի կունենան պայթեցման աշխատանքներ։ Ձայներ լսելիս խնդրում ենք խուճապի չմատնվել։

Հայաստանի ազգային ֆիլհարմոնիկ նվագախմբի 100-ամյակի հանդիսավոր միջոցառումների շրջանակում մեկնարկում է բացառիկ ծրագիրը՝ «Ֆիլհարմոնիկը մարզերում»։ Սեպտեմբերի 10-ին` ժամը 19:00-ին,Մեղրիի մարզամշակութային կենտրոնում մեր քաղաքի մշակութասեր հանրությանը կընձեռվի եզակի հնարավորություն՝ վայելելու համաշխարհային դասական երաժշտության հնչյունները։ Որպես մենակատար հանդես կգա աշխարհահռչակ ջութակահար Սերգեյ Խաչատրյանը, իսկ նվագախումբը կղեկավարի անվանի դիրիժոր Էդուարդ Թոփչյանը։ Այս բացառիկ համերգը Մեղրիի համար մշակութային մեծ տոն է․ հնարավորություն՝ անմիջապես մեր քաղաքում լսելու և զգալու դասական արվեստի բարձրարվեստ շունչը։ 🔗Ավելին` https://facebook.com/events/s/%D6%86%D5%AB%D5%AC%D5%B0%D5%A1%D6%80%D5%B4%D5%B8%D5%B6%D5%AB%D5%AF%D5%A8-%D5%B4%D5%A1%D6%80%D5%A6%D5%A5%D6%80%D5%B8%D6%82%D5%B4-%D6%84-%D5%B4%D5%A5%D5%B2%D6%80%D5%AB/1726373821330658/:

ՈՒՇԱԴՐՈՒԹՅՈՒՆ․ Հարգելի՛ համաքաղաքացիներ, Տեղեկացնում ենք, որ օգոստոսի 26-ին՝ ժամը 09:30-ի սահմաններում, Մեղրի քաղաքի Փոքր Թաղ թաղամասում ճանապարհաշինարարական աշխատանքներով պայմանավորված տեղի կունենան պայթեցման աշխատանքներ։ Ձայներ լսելիս խնդրում ենք խուճապի չմատնվել։