|
03.01.25
ԽԱՉԱՏՈՒՐ ԱՆԴՐԵԱՍՅԱՆՆ ԱՅՑԵԼԵԼ Է ՀԱՄԱՅՆՔԻ ԱՄԵՆԱՏԱՐԵՑ ԲՆԱԿԻՉՆԵՐԻՑ ՄԻ ՔԱՆԻՍԻՆ
|
Մեղրի համայնքի ղեկավար Խաչատուր Անդրեասյանը կարևորելով տարեցների դերը մեր հասարակությունում, մեծարելով նրանց՝ հունվարի 3-ին այցելել է 90 և ավել տարին բոլորած տարեցներին, շնորհավորել Ամանորի և Սուրբծննդյան տոների առթիվ։ Համայնքի ղեկավարը տարեցներին մաղթեց քաջառողջություն ու երկարակեցութուն՝ 100 ամյակը միասին տոնելու նախապայմանով։ |
|
|
01.01.25
ՆՎԻՐՎԱԾՈՒԹՅԱՆ ՈՒ ԻՆՔՆԱԶՈՀՈՒԹՅԱՆ ՕՐԻՆԱԿ․ ԾՆՈՒՆԴԴ ՇՆՈՐՀԱՎՈ՛Ր ԵՐԿՆԱՅԻՆ ՀԵՐՈՍ ՍՈՒՐԵՆ ՀԱՄԲԱՐՁՈՒՄՅԱՆ
|
|
Այսօր՝ հունվարի մեկին, 2020 թվականի Արցախյան քառասունչորսօրյա պատերազմի մասնակից, հերոս Սուրեն Համբարձումյանի ծննդյան տարեդարձն է։ Սուրենը ծնվել է 1992 թ. հունվարի 1-ին, Մեղրու շրջանի Գուդեմնիս գյուղում: Միջնակարգ կրթությունը ստացել է Ագարակի Եղիշե Չարենցի անվան դպրոցում: Երիտասարդ տարիքից ուներ երաժշտական ունակություններ, հաճախում էր երաժշտական դպրոց և նվագում շվի: Նրա բարությունն ու համեստությունն առանձնանում էին, իսկ ընկերներն ու ծանոթները միշտ գնահատում էին նրա անկեղծ ու աջակցող բնավորությունը: Նա երբեք անտարբեր չէր մնում շրջապատի, մարդկանց ցավի և դժվարությունների հանդեպ: Դպրոցն ավարտելուց հետո ընդունվել է Եվրոպական համալսարանի կառավարման ֆակուլտետ: 2010-2012 թթ. ծառայել է Հայոց բանակում՝ ...
Մանրամասն |
|
|
01.01.25
ՄԵՂՐԻԻ ՄԱՐԶԱՄՇԱԿՈՒԹԱՅԻՆ ԿԵՆՏՐՈՆԸ ՄԱՍՆԱԿԻ ՎԵՐԱՆՈՐՈԳՎԵԼ Է
|
|
Դեկտեմբերի 30-ին Մեղրի համայնքի ղեկավար Խ.Անդրեասյանն շրջայց է կատարել «Մեղրիի մարզամշակութային կենտրոն» ՀՈԱԿ-ում, որտեղ իրականացվել էին մասնակի վերանորոգման աշխատանքներ՝ շնորհիվ համայնքի ղեկավարի կողմից հատկացված ֆինանսական աջակցության: Աշխատանքները հաջողությամբ ավարտվել են լիովին նոր տեսքով՝ սենյակների վերանորոգմամբ: Համայնքի ղեկավարը գոհ էր կատարված աշխատանքներից, և նշեց, որ առաջիկայում նոր ֆինանսական միջոցներ կտրամադրվեն կենտրոնի մի քանի սենյակների վերանորոգման, լուսամուտների փոխարինման և նոր օդորակիչների տեղադրման համար:
|
|
|
31.12.24
ՀՀ ՍՅՈւՆԻՔԻ ՄԱՐԶԻ ՄԵՂՐԻ ՀԱՄԱՅՆՔԻ ՂԵԿԱՎԱՐ ԽԱՉԱՏՈւՐ ԱՆԴՐԵԱՍՅԱՆԻ ՇՆՈՐՀԱՎՈՐԱՆՔԸ ԱՄԱՆՈՐԻ ԵՎ ՍՈւՐԲ ԾՆՆԴԻ ԿԱՊԱԿՑՈՒԹՅԱՄԲ
|
|
Սիրելի համերկրացինե՛ր, Մեղրի համայնքի հարգելի բնակիչներ Ի սրտե շնորհավորում եմ Նոր Տարվա և Սուրբ Ծննդյան տոների կապակցությամբ: Մի քանի ժամ անց հրաժեշտ կտանք պատմության գիրկն անցնող 2024 թվականին և իր իշխանության շրջանակը կմտնի նոր՝ 2025 թվականը: Ամենագեղեցիկ ու ջերմացնող տոներից մեկը, որը նշում ենք մեր ընտանիքների, մերձավորների և ընկերների հետ, միմյանց մաղթում ամենայն բարիք և նորանոր հաջողություններ: Դա նաև պատեհ առիթ է կիսվելու ձեզ հետ միասին անցած ճանապարհի, կատարած աշխատանքների, արձանագրած ձեռքբերումների, ինչու չէ, նաև անավարտ գործերի, թերացումների շուրջ, նաև նախանշելու նոր նպատակներ, կազմելու համայնքի բարգավաճմանն ու մեղրեցիների բարեկեցությանը միտված նոր ծրագրեր: Թող գալիք 2025 թվականը լինի ...
Մանրամասն |
|
|
30.12.24
ՍՈՒՐԲԾՆՆԴՅԱՆ ԱՐԱՐՈՂՈՒԹՅՈՒՆՆԵՐԻ ԺԱՄԱՆԱԿԱՑՈՒՅՑ
|
|
Սիրելի հայրենակիցներ, սրտանց շնորհավորում ենք բոլորիդ Ամանորի և Սուրբծննդյան տոների առթիվ՝ մաղթելով աստվածային սեր, խաղաղություն ու օրհնություն ամենքիդ ու համայն աշխարհին, և սիրով հրավիրում ենք մասնակցելու Մեղրիի Սուրբ Աստվածածին եկեղեցում կատարվելիք տարեմուտի ու Սուրբծննդյան արարողություններին հետևյալ ժամակարգությամբ՝ •31-ը դեկտեմբերի ՆՌՆՕՐՀՆԵՔ և ՏԱՐԵՄՈՒՏԻ ԱՂՈԹՔ՝ ժամը 24:00-ին
•5-ը հունվարի ՃՐԱԳԱԼՈւՅՑԻ Սբ. ՊԱՏԱՐԱԳ՝ ժամը 17:30-ին
•6-ը հունվարի Սբ.ԾՆՆԴՅԱՆ ՊԱՏԱՐԱԳ՝ ժամը 10:30-ին(Պատարագի ավարտին կկատարվի Ջրօրհնեքի կարգ)
•7-ը հունվարի ՀԻՇԱՏԱԿ ՄԵՌԵԼՈՑ Սբ. ՊԱՏԱՐԱԳ՝ ժամը 10:30-ին:
|
|
|
30.12.24
ՄԵՂՐՈՒ ՀՐԱՊԱՐԱԿՆ ԱՎԵԼԻ ԲԱՐԵԿԱՐԳ ՈՒ ԳԵՂԵՑԻԿ
|
Մեղրի համայնքի ղեկավար Խաչատուր Անդրեասյանի նախաձեռնությամբ Մեղրի քաղաքի հրապարակում մեկնարկած ընդգրկուն բարեկարգման և սալարկման աշխատանքները մոտեցել են ավարտին։ Աշխատանքների ընթացքում հին, վնասված սալիկները փոխարինվել են նոր, բարձրորակ սալիկներով, որոնք նպաստում են տարածքի տեսքի բարելավմանը։ Ծրագրի նպատակն էր բարելավել հրապարակի արտաքին տեսքը և ապահովել քաղաքացիների համար ավելի հարմարավետ միջավայր, ինչպես նաև նպաստել քաղաքի ընդհանուր ենթակառուցվածքների բարելավմանը։ |
|
|
28.12.24
ԳԱԼԴ ԲԱՐԻ 2025
|
Ամանորյա տոներին ընդառաջ՝ դեկտեմբերի 27-ին և 28-ին, Ագարակ և Մեղրի քաղաքների մշակույթի տներում կազմակերպվել էին միջոցառումներ։ Միջոցառմների ժամանակ ելույթ ունեցան «Մեղրիի մարզամշակութային կենտրոն» ՀՈԱԿ-ի, «Մեղրի համայնքի «Արևիք» արվեստի դպրոց» ՀՈԱԿ-ի և Հենրիկ Իգիթյանի անվան գեղագիտության ազգային կենտրոնի Մեղրիի մասնաճյուղի պարային խմբերի սաները, երգչախմբերը, անհատ կատարողները, ովքեր հեքիաթային տրամադրություն պարգևեցին ներկաներին։ Մեղրի համայնքի ղեկավար Խ.Անդրեասյանը շնորհավորեց ներկաներին գալիք տոների առթիվ՝ ցանկանալով հաջողության, խաղաղության, ձեռքբերումներով լի տարի։ |
|
|
27.12.24
ԼԵՀՎԱԶԻ ՄԱՍՆԱՃՅՈՒՂՈՒՄ ՀՅՈՒՐ ԷԻՆ ՁՄԵՌ ՊԱՊՆ ՈՒ ՁՅՈՒՆԱՆՈՒՇԸ
|
Դեկտեմբերի 27-ին «Մեղրի համայնքի մանկապարտեզի Լեհվազի մասնաճյուղ» ՀՈԱԿ-ում ամանորյա ցերեկույթ էր։ Փոքրիկներին շնորհավորելու էին եկել Ձմեռ պապն ու Ձյունանուշը, ովքեր իրենց երգ ու պարով, ուրախ խաղերով, շատ սպասված ամանորյա նվերներով ուրախություն պարգևեցին երեխաներին։ Մեղրի համայնքի ղեկավար Խ.Անդրեասյանը շնորհավորեց ներկաներին տոների կապակցությամբ և լավ աշխատանքի համար շնորհակալագրեր հանձնեց նախակրթարանի մի շարք դաստիարակների։ |
|
| 1 2 3 4 5 6 7 8 9 10 ... |