Հարգելի բնակիչներ,

ՀՀ էկոնոմիկայի նախարարությունը մեկնարկում է Հայաստանի Հանրապետությունում ինտենսիվ այգեգործության զարգացման, արդիական տեխնոլոգիաների ներդրման և ոչ ավանդական բարձրարժեք մշակաբույսերի արտադրության խթանման պետական աջակցության ծրագիրը:

Ծրագիրն իրականացվում է 2 բաղադրիչով՝ 

վարկերի տոկոսադրույքների մասնակի սուբսիդավորում, որի շրջանակներում նախատեսվում է՝

• 500 հա այգեհիմնում, ոռոգման արդիական համակարգերի (կաթիլային, անձրևացմամբ և շարժական) հիմնում,
• մինչև 100 հազար խմ ծավալով ջրավազանների կառուցում կամ ընդլայնում,
• 0.5-100 հա կարկտապաշտպան ցանցերի ներդրում,
• 1.0-30 հա բարձրարժեք մշակաբույսերի և հատիկաընդեղենների ցանքս

ծախսերի մասնակի փոխհատուցում, որի շրջանակներում նախատեսվում է՝

• մինչև 100 հազար խորանարդ մետր ծավալով ջրավազանների կառուցում կամ ընդլայնում
• 0.5 և ավելի հա տարածքի համար ոռոգման արդիական համակարգերի ներդրում
• 0․5-3 հա բազմամյա տնկարկներում կարկտապաշտպան ցանցերի ներդրում ։

Կից ներկայացնում ենք ծրագրի պայմանները և մանրամասները։